أحمد السقا يصدم تامر حسني على الهواء مباشرة .. “أنا زعلان منك بسبب الفلوس” (فيديو)
كشف الفنانأحمد السقا عن وجود "زعل” من تامر حسني بسبب موقف حدث في فيلم تامر الأخير "الفلوس” وأثر شخصيا ومهنيا على حياة السقا.
كما تحدث للمرة الأولى عن تاثير شائعات انفصاله عن زوجته، واعترف بأنه لا يتأثر بلقب "تربي الفنانين” الذي يلاحقه بسبب إصراره على دفن بعض نجوم الفن بنفسه.
وأضاف: "أنا في حد زعلان منه وحتى الآن مقولتلوش، أنا زعلان من تامر حسني”.
وتابع : "أنا بحب تامر جدا ولو مش بحبه مش هزعل منه”.
وكشف عن السبب: زعلان منه عشان هو في فيلم (الفلوس) كلمني وقالي إنه عايزني أعمل معاه مشهد”.
وفي التفاصيل اردف : "وبعد ما عملتله المشهد فوجئت إن الفيلم نزل إنه بطولة تامر وأحمد السقا وصورة معاه على الأفيش، كلمته قولتله إيه اللي بيحصل ده، مرة قالي دول فانز، ومرة قال دول الشركة المنتجة، قولتله أنا معرفش حد منهم يا تامر أنا معرفش غيرك، ودي أثرت عليّا جدا نفسيا وفي شغلي.
ونفى السقا أن يؤثر هذا الموقف على علاقته المتينة بتامر حسني .
وأكد : "مش هتأثر.. لو قابلني حاليا وقالي كلمتين حلوين الموضوع هيخلص.. لكن أنا زعلت، لأن أنا لا يمكن أعمل فيه كده، ميصحش كده، وهو كان بإيده يمنع الكلام ده، لكن اللي حصل حصل وأنا مسامحك يا تامر لكن مشاكلك كترت.
وشدد السقا أن لقب "تُربي الفنانين” لا يزعجه، وقال: دفنت الراحل هيثم أحمد زكي ووالده وممدوح وافي.
وأشار الى انه "نزل مقابر كثيرة، وأول مرة وأنا في تانية ثانوي، ولم يخف من ذلك، وطوال الوقت أذهب إليها لقراءة الفاتحة”.
تابع قائلا: وفاة الراحل هيثم أحمد زكي أثرت فيّ جدًا، خاصة أن علاقتي به كانت قوية وعلى اتصال دائم .
واعترف السقا، إنه تعب نفسيا من الشائعات التى طاردته بموضوع الانفصال عن زوجته مها الصغير.
وأشار : "كل بيت يوجد فيه مشاكل واتبهدلنا كتير بصراحة ولكن الحمد لله”.
وكشف أنه أول مرة رأى فيها مها الصغير كانت فى الجامعة الأمريكية، "وبعدها بسنة ونصف كنا متجوزين”.
وتابع : "عندما اشتغلت مذيعة استطعنا حل مشاكل كتير بيننا”.
