أثار الممثل المصري، عمرو واكد، غضب المصريين على مواقع التواصل الاجتماعي، بعد نشره تغريدة انتقد فيها الاهتمام بمباراة منتخب مصر والسنغال المؤهلة لكأس العالم.

وقال الفنان في تغريدته إن لديه مشكلة في فهم الناس التي ترغب في فوز مصر بمباراة كرة قدم، رغم أنها خسرت الحياة الكريمة، معتبرا أنه يجب ربح الحياة الكريمة أولا حتى يكون فوز كرة القدم له قيمة.

وأضاف: "في هذه اللحظة لا قيمة لمكسب ماتش كورة أو بطولة الصراحة. الكورة النهاردة بقيت أفيونة بتلهيك عن سلب حقوقك".

عندي مشكلة في فهم الناس اللي نفسها مصر تكسب ماتش كورة وهي خسرانة ماتش الحياة الكريمة. مش المفروض نكسب ماتش الحياة الكريمة الأول عشان مكسب ماتش الكورة يبقى له قيمة ومعنى حقيقي؟ في هذه اللحظة لا قيمة لمكسب ماتش كورة أو بطولة الصراحة.

الكورة النهاردة بقيت أفيونة بتلهيك عن سلب حقوقك.

 

وأثارت التغريدة غضب عدد من المتابعين الذين أعربوا عن سخطهم مما وصفها بعضهم بـ"الأفورة" مشيرين إلى أن كرة القدم شغف قبل أي شيء ووسيلة ترفيه في ظل الظروف الصعبة.

في هذه اللحظة وفي أي لحظة مش من حق اي حد يقول للناس ايه اللي ليه قيمة وايه اللى مالوش ... الكورة لعبة وفرجة لكن "الحياة الكريمة" لا هي لعبة ولا فرجة هي نضال طويل مع الناس بدون "استعلاء أو أستاذية"... المقارنة سطحية الصراحة ... هاردلك للمنتخب، يحيا الأفيون وتسقط الافورة. 

 

وعاد وكتب الممثل المصري تغريدة أخرى بعد الهجوم الذي تعرض له قال فيها: "يا رب ما نكسب أي ماتش كورة قبل ما نفوق من الذل والمهانة والظلم اللي الناس عايشة فيه. يلا هجوم تاني يا أتفه خلق الله"، بحسب قوله.

لا يمكن تكسب وانت مركوب. مش هتكسب أي حاجة. وهنقعد تخسر كل يوم أكتر وأكتر لغاية لما يبقى ما عندكش شيء تخسره لأنك سيبت أهم مكسب وقولت عليه مش فارق وروحت إتمسحت في شكليات تافهة وعبيطة. وحتى الشكليات دي مش هتكسب فيها قبل ما تكسب أهم مكسب. حريتك.

  

وفشل المنتخب المصري في بلوغ نهائيات بطولة كأس العالم لكرة القدم، عقب خسارته أمام نظيره السنغالي بنتيجة 3-1 بركلات الترجيح، في المباراة التي أقيمت الثلاثاء على إستاد ديامينياديو، ضمن إياب الدور الفاصل المؤهل عن تصفيات قارة أفريقيا.عربي21