بكت الفنانة المصرية بدرية طلبة خلال مشاركتها ببرنامج "البخت"، المعروض على قناة "الشمس".

وتسبب عرض صورة للفنان الراحل سمير غانم في إثارة مشاعر بدرية طلبة، وعلقت: "يا حبيبي، أنا هتكرم يوم الخميس في دورة باسم الفنان سمير غانم في مسرح في الإسكندرية".

وأوضحت الفنانة المصرية سر تعلقها بسمير غانم بقولها" "أنا بحبه جدا، علاقتي بسمير كانت ضحك وهزار، وكان بيعلمني إزاي أرمي الإفيه، وهو راجل خيّر أوي أوي، غرفته في المسرح كانت مفتوحة للناس كلها".

 واستكملت بدرية باكية:" الناس الحلوة صعب تشوفيهم كدا وهما مش موجودين قدامك".

وأضاف الفنانة المصرية:"سمير غانم راح في دنيا تانية، وبناته مهما ضحكوا قلوبهم مكسورة، وربنا يصبرهم، لأنه هو أب حلو، أنا إيمي لما بتبعت لي فويس أنا بدمع، ومش كل الأمهات والأبهات بيتبكي عليهم، في أب وأم لما بيروحوا الدنيا بتسود، وصعب الحياة من غيرهم".

وكان آخر أعمال الفنانة بدرية طلبة فيلم "تماسيح النيل"، وهو من بطولة: بيومي فؤاد، مصطفى خاطر، حمدي الميرغني، محمد ثروت، هنادي مهنا، سليمان عيد، محمد جمعة، دينا محسن (ويزو)، سوزان نجم الدين، ومن إخراج سامح عبدالعزيز.