دخلت الإعلامية المصرية مي حلمي على خط الأزمة المشتعلة بين زميلتيها ياسمين الخطيب وياسمين عز، حول كيفية التعامل مع الرجل.

وانحازت مي حلمي إلى زميلتها ياسمين عز، منتقدة موقف ياسمين الخطيب منها، حيث نشرت، عبر حسابها بموقع "فيسبوك"، جزءا من الانتقادات التي وجهتها الخطيب إلى عز، وعلقت بالقول: "ماعنديش أدنى شك غير الي تقول كده على زميلتها واحدة منفسنة عليها مش أكتر".

 وأضافت: "ما البرامج كتير والهبد كتير، اقلبي يا حببتي واتفرجي علي رضوى الشربيني مدام ياسمين مش عجباكي، ولا ياسمين عز وجعاكم؟".

وتابعت: "ماتتفرجوا علي بقيت البرامج، إزاي تحاربي ست زيك ولا عشان إنتي قاعدة وهي بتشتغل؟ فالهريه والنكته شغاله عليها".

وانتقدت حلمي بشدة الأسلوب المتعالي لياسمين الخطيب، قائلة: "إيه الطريقة دي بتاعت يع وبلدي، إيه ياختي عيشي عيشه أهلك واحترمي زميلتك، ما أجرمتش، ولا لازم تطلع تقول إدي جوزك بالشبشب عشان تتبسطي، اه آسفه أصلها مسمعه فمزعله الفشلة".

واختتمت حديثها قائلة: "وريحي يا بتاعت ال يع وريحي يا منفسنة منك ليها، يمكن لو خلتيه يمشي علي السجادة ماكنش طفش".

وكانت الإعلامية ياسمين الخطيب قد انتقدت بعنف زميلته ياسمين عز قبل أيام وكتبت عبر فيسبوك: "شيء مؤسف جداً، ومثير للغثيان، أن تتحدث اعلامية على قناة مرموقة، عن حسن معاملة الزوج، فتقصرها على: سيبيه يدوس على السجادة، وشيلي انتي كيس الزبالة، واديله ورك الفرخة! حاجة بلدي ومقرفة جداً".

وأضافت: "يعني يا ست لو عايزه تنحازي للرجالة عشان الترند -إللي مش هايدوم- اتكلمي عن مشاكل الرجال الحقيقية، عن مصاريف الزواج المبالغ فيها، والطلبات إللي بتقسم ظهر الشباب، من مهر وشبكة وخلافه".

وتابعت: "ولو مصرة يعني تعملي خبيرة في العلاقات الاجتماعية، وتنصحي الزوجات، انصحيهم يتفهموا الظروف، يخفضوا النفقات، مش يكمروا لرجالتهم نص الفرخة.. إيه الـ يع ده".

بدورها دافعت الإعلامية ياسمين عز عن تصريحاتها التي يراها البعض منحازة للرجل، مؤكدة أن نصائحها التي تقدمها للسيدات بمثابة محاولة منها لحثهن على تقدير الزوج، والعيش معه في سكينة.

وأضافت عز، خلال برنامج "كلام الناس" عبر فضائية "mbc مصر" قبل أيام: "أنا بنام وضميري مرتاح الحمد لله، وبعد كل حلقة بكون في حالة سكينة لأني بدعوا للاحترام والمودة والتقدير بين الزوجين، وبنصايحي هيفضل البيت عامر بيكوا".

وتابعت: "أنا مش هقدر أنام وأنا بسخنك على جوزك وبقومك عليه، ولو عملت كده هبقي شايلة ذنبك عشان خربت بيتك بكلامي وأنا عايشة حياتي بالطول والعرض".

واستكملت ياسمين عز حديثها: "ربنا يرزق كل راجل باللي تقدر تشيله في عينيها وتستحتمله، ويارب دايما بيوتكم عمرانية بيكوا والحب اللي بينكوا".

واختتمت بالقول: "إحنا في بيوتنا زيكوا بالضبط، ودايما تعاملنا مع الرجالة حاضر ونعم، والموضوع ده هو الأصول اللي اتربينا عليها وشوفنا أهلنا بيتعاملوا بيها مع بعض".