تحدثت الراقصة برلنتي عامر، طليقة الفنانسعد الصغير، عن تفاصيل خلافهما الأخير وانفصالها عنه، مشيرة إلى أنه "شرع في قتل شقيقتها".

 وخلال تصريحات تلفزيونية، أوضحت برلنتي عامر قائلة: "سعد عمل المستحيل علشان يتجوزني وهو عارف هو عمل إيه، وكنت خايفة جدا ومعايا فيديوهات وهو بيقولي لو إنتي إتأذيتي يبقى أنا اللي أذيتك".

وأوشارت برلنتي عامر إلى أن الفنانة شمس، الزوجة السابقة لسعد الصغير، هاتفتها كي تحذرها منه، مضيفة: "شمس كلمتني وقالتلي خلي بالك من نفسك علشان هو هيحاول يأذيكي، وهو قالي لأ دي غيرانة منك وبتوقع بينا، وهو فعلًا أذاني والسمعة والكلام، أنا مش قادرة أتكلم من التعب اللي أنا فيه، هو بعتلي اعتذارات مع ناس بس بعد إيه".

وتابعت:"كان هيموت أختي..ده شروع في قتل، وقالي في عز المشكلة بعد ما خرجنا من المستشفى هترجعي تاني، وأنا مش عارفة هو بيقول كده على أساس إيه".

وأردفت: "أرجع لمين؟! المرة اللي جاية هيقتلني، هو شخصية غريبة هو وحنين في حاجات وحاجات تانية لأ..أنا مش عارفة شخصيته إيه، يعني يوم الحداثة ده أنا كنت في حضنه كمراته ومدلعني دلع والله هو عارف الكلام ده إن يوم الحادثة كان جايبلي ورد.

وعن سبب خلافها مع سعد الصغير، قالت برلنتي عامر: "سبب الخناقة كنا بنتكلم في البيت مشكلة تافهة جدا وشتمني وزعق وزعقت وبس كده، وأنا مش بغير عليه، ولكن أنا موجودة في حياتك..أنا برلنتي..عايز تعمل أي حاجة طلقني عشان كرامتي، وساعات كنت بلاقي حاجات على الواتساب ولكن معرفتش أمسك حاجة، وهو كان بيغير عليا جدا"، مضيفة: "في مرة انفصلت عنه وكنت هتخطب، وهو عرف وراح قال للولد ابعد عنها أنا بحبها ودي حب عمري، وأنت تقدر تحب لسة سنك صغير، ولكن دي آخر حب في عمري".

المصدر: "القاهرة 24"