أحالت النيابة العامة المصرية، الفنانة منة شلبي، للمحاكمة الجنائية، بعدما كشفت التحقيقات معها حيازتها مخدر الحشيش بقصد التعاطي.

وأشارت النيابة المصرية إلى أنها أقامت الدليل قِبَل الفنانة منة شلبي، من شهادة 5 أشخاص على الواقعة، وما توصلّت إليه تحريات الشرطة، وما ثبت بتسجيلات آلات المراقبة بمحل ضبطها، بالإضافة إلى ما أسفر عنه فحص المعمل الكيماويّ للمضبوطات التي عثر عليها بحوزتها.

 

ونشرت وسائل إعلام محلية، تفاصيل تحقيقات النيابة مع الفنانة المصرية، التي أكدت خلال التحقيقات، أنه تم القبض عليها في مطار القاهرة أثناء عودتها من ولاية نيويورك بالولايات المتحدة، بعد حضورها مهرجانا فنيا، نافية الاتهام المنسوب إليها بحيازة جواهر مخدرة بقصد التعاطي.

وأشارت الفنانة منة شلبي إلى أنها بعد وصولها مطار القاهرة ودخولها الجمارك وضعت حقائبها على جهاز السير الأمني لتفتيشها، قائلة: "كان معايا 3 شنط، حطيتها على السير علشان يتشاف فيها إيه، ولقيت واحد من اللي واقفين في الجمرك بيقولي معاكي سيجارة إلكترونية، فقلتله أنا بدخن فيب".

وتابعت الفنانة المصرية: "كنت بفتح الشنطة علشان أوريه الفيب، لقيت واحد تاني بيقولي إحنا هنفتح بقية الشنط نشوفها، وأنا وافقت وقولتله اتفضل، وقعد يقلب في الشنط، وبعدين جه واحد تالت يفتش معاهم".

ولفتت منة شلبي إلى أنه طُلب منها الذهاب إلى إحدى الغرف في الجمارك، وانتظرت فيها فترة من الوقت، مضيفة: "بعد شوية لقيت ناس كتير وظباط مطلعين علبة لونها أخضر بيقولولي إن دي فيها ماريجوانا، فقلتلهم مفيش الكلام ده، مش صح وده ميكب عادي، فلقيت حد بيقولي معاكي كوكايين، قلتله أنا مش بشرب الحاجات دي أصلا، وبعدين قالولي طيب استني شوية".

واستطردت قائلة: "بعد ساعتين لقيتهم بيقلولي اطلبي المحامي بتاعك، فبقولهم إيه اللي حصل؟، قالولي إنتي معاكي ماريجوانا، وهتتعرضي على النيابة، وبعدين لقيت أخبار متداولة على المواقع الإلكترونية تفيد بالقبض عليا ومعايا مخدرات".