لم تستطع الفنانة المصرية منة فضالي تمالك دموعها عند حديثها عن علاقتها بوالدها الذي تركها وغادر المنزل وهي بعمر أشهر فقط، مؤكدة أنها سعت كثيرا لتعويض غيابه من خلال الارتباط بأشخاص يكبرونها بسنوات عديدة.

 

جاء ذلك خلال ظهورها في برنامج Vip، حيث كشفت عن زواجها سرا في سن مبكرة، من رجل يكُبرها بـ 20 عاما، ولديه أولاد، مؤكدة أن والدتها عندما علمت بذلك، "أغمي عليها وتعبت وكانت هتتشل”.

وقالت "معرفش عملت كدة ليه أنا كنت وخداها عناد، كان فرق السنة حاجة وعشرين سنة وكان متجوز وعنده ولاد وكنت بعاند أمي عشان رفضت وهو كان متجوز قبل كدة ومطلق وأتجوز كذا مرة وطلق كذا مرة”.

وأشارت إلى تعرضها للضرب على يده، قائلة: "ضربني مرة وعورني من على السلم بسبب الغيرة، وحصلي كسر واتطلقت بعديها، وخدت وقت كبير عشان ماما تسامحني ومتجوزتش بعده تاني”.

علاقتها بوالدها

كشفت النجمة المصرية أن والديها انفصلا عندما كانت تبلغ شهرين أو ثلاثة من عمرها، حيث تركهما وغادر المنزل، وعاشت مع والدتها، ومع مرور السنوات أصبح يزورها بين الحين والآخر، وعندما كانت تسأله عن سبب غيابه، كان يخبرها أنه "مشغول ومسافر”.

وقالت: "مكنتش هفهم الكلام ده وأنا صغيرة بس كنت بتضايق.. وانا كل شوية بسأله هتيجي امتى؟ وانا مكنتش أعرف إنهم منفصلين، سابني وأنا عندي شهرين او تلاتة.. أنا نفسي اعرف ليه؟ بس خلاص متأخر دلوقتي”.

وأضافت: "لما كبرت وبدأت اشتغل عرفت إن ماما اتطلقت وعرفت بعد وقت طويل.. هي كانت أول زوجة له. وقعدوا مع بعض 12 أو 13 سنة. أنا جيت بعد معاناة طويلة لماما في الخلفة. وكانت بتسقط كتير جدًا. وتعبت عشان تجيبني وكانت هتموت”.

وواصلت فضالي حديثها عن علاقتها بوالدها: "الأول كان الموضوع بالنسبة لي كره عشان كان موجود ومش موجود. كنت شايفه إنه مش موجود بإرادته. واعتقادي إنه هو اللي مش عايز يكون موجود كانت تعباني نفسيًا”.

وتابعت وهي تبكي، إنها لم تشعر يوما ما أنه يحبها، رغم محاولتها التقرب منه، "كان بعيد طول الوقت، معرفش يمكن عشان متربتش معاه ومتعبش عليا، عملت حاجات كتير عشان أقرب منه”.

وأشارت إلى أنها منذ فترة وجيزة كانت تشارك في مسرحية تعرض في السعودية، حيث يقيم والدها، فاتصلت به، وتناولا طعام الغداء معا، لكنها لم تشعر بأي شيء تجاهه، وقالت: "لقيت نفسي بقوم كل شوية مش عايزه أقعد معاه مش لاقية حاجة أقولها”.

محاولات تعويض غياب والدها

وأشارت الفنانة المصرية إلى ارتباطها برجال أكبر سنا منها، في محاولة لتعويض غياب الأب، قائلة: "كنت بدور على الارتباط أني ارتبط بناس أكبر مني سنًا، وكنت بدور على الأب في علاقاتي، وكنت مرتبطة بناس أكبر مني بـ 30 سنة”.

وأضافت: "بطلت دلوقت أدور عليه، عندي عماتي بيسألوا عليا وأعمامي بيكلموني طول الوقت ولكن مبنتقابلش باستمرار، وعندي عمة مفضلة بحبها، وعندي أخوات مسافرين برا مصر، وأخوات معرفش عنهم حاجة”.

وأشارت إلى أن أول مرة رأت فيها والدها بعد مرحلة الطفولة، كانت عندما بلغت الـ 21 عاما من عمرها، مستذكرة محاولته التخلص من تحمٌّل مسؤوليتها عبر تزويجها لشاب يعيش في أوروبا.

وقالت "شفت والدي لأول مرة وأنا عندي 21، وجالي عريس وقعد معاه وكان العريس عايش في أوروبا، وقالهم خدوها ومش عايز منكم أي حاجة واحنا بنشتري راجل، وقال لأمي هما بيحبوا بعض وخلينا نخلص، ولما العريس حكالي قولتله مستحيل بابا يعمل كدا، قالي لأ قالي كدا، مستحيل أب يعمل كدا”.

أول حب.. وتعرضها للخيانة

أما عن أول حب في حياتها، فتحدثت فضالي: "أول مرة حبيت فيها كنت ببعت جوابات للمدرس بتاعي وكنت في ابتدائي واتعاقبت وطردوني من المدرسة تيتا حرقتني بالشمعة وماما قورتلي شعري من قدام وكنت فترة طويلة بنزل بالتربون”.

وعمّا إذا كانت قد تعرضت للخيانة من قبل، قالت: "طبعا اتعرضت للخيانة ودي قصة معروفة قفشته وحسيت أن في حاجة مش تمام ولقيت فضائح، أنا بحترم الراجل جدًا ومش ضده بل بالعكس، ودايمًا بشوف الراجل لما بيشوف واحدة على مراته يبقى العيب من الست أو هي اللي بتضطره أنه يبص برا أو عينه فارغة”.

عدم رغبتها بارتداء فستان زفاف

وقالت إنها لم تقم حفل زفاف في زيجتها، لكونها ارتدت فستان الزفاف كثيرا خلال أعمالها الفنية، إذ ارتدته لأكثر من 30 مرة، موضحة: "لبست حوالي 30 فستان فرح، مش عايزة ألبس فستان فرح، زهقت، بفكر لما اجي أتجوز ألبس بدلة سموكين، وألبس العريس هو الفستان”.

رفضها تجميد بويضاتها

وتحدثت عن رفضها تجميد بويضاتها، قائلة: "فكرت في فترة ما ولكن كل الناس قالتلي أعمل تجميد بويضات ولكن اتقالي بيأثر على الست، وأنا لسه مش عارفة هتجوز ولا لأ، وأنا صعب جدًا حد يتعامل معايا ومحدش عارفني كويس عشان يتعامل معايا، فبالتالي مش بيستمروا، ولازم يعرفوا ايه اللي أنا بحبه قبل اللي بكرهه وهكذا”. -وكالات