رد مغني الراب المصري ويجز، على اتهام الفنان عمرو مصطفى له بشراء موسيقى أغانيه.

وشارك ويجز عبر خاصية الستوري على حسابه الرسمي في "إنستغرام" مقطع فيديو قصيرا لم يتحدث فيه بل أشار إلى جميع الموزعين الذين تعاون معهم في أغانيه على مدار الفترة الماضية، حيث وجه رسالة شكر لهم، قائلا: "‏أحب أشكر كل الرجالة اللي تعاونوا معايا في أغاني الحقبة".

رد مدير أعمال ويجز على عمرو مصطفى

بدروه أيضا، رد عاصم تاج مدير أعمال ويجز على اتهامات عمرو مصطفى، نافيا تصريحاته الأخيرة، مبينا صعوبة شراء موسيقى جاهزة.

وقال تاج خلال تصريحات صحفية: "ده كلام ملهوش أي أساس من الصحة، وبنشتغل مع منتجين من مصر ومن جميع أنحاء العالم، وكل مزيكته دايمًا بالتعامل مع المنتجين دول، حتى فكرة شراء الموسيقى مش حاجه عيب، ولكن صعب جدًا حد يقدر يشترى موسيقى جاهزة".

وأضاف: طريقة السمبيلنج طريقة من الإنتاج نفسه، لكن ويجز بيشتغل مع المنتجين، وهي طريقة تستخدم في الراب بشكل كبير أيضا".

رد مولوتوف على عمرو مصطفى

وسبق ورد الموزع مولوتوف على تصريحات عمرو مصطفى، حيث كتب عبر "إنستغرام": "مبدئيا أنا هتكلم عن الأغاني اللي أنا عملتها لويجز وهي، دورك جي، بالسلامه، أسياد البلد، وبما إن أنا الموزع بتاعها أحب أقول للأستاذ عمرو مصطفى إن الأغاني معمول فيها توزيع وهندسة صوت وتلحین وشغل بالمستوى العالمي، وبتاخد وقت ومجهود وتفکیر کبیر جدًا من كل الأطراف المشتركة فيها".

وأضاف مولوتوف: "الموضوع مش بالسهولة والبساطة اللي حضرتك بتتكلم بيها، أما بالنسبة لموضوع الفلوس وشراء المزيكا فأنا لم أتقاضَ أي أجر على الأعمال دي لإن فيه اتفاقات بصورة تانية".

وتابع: "في النهاية إحنا بنشكرك على استماعك بس يا ريت تتحرى الدقة قبل نشر أي معلومات، وشكرًا".

اتهام عمرو مصطفى لويجز

يذكر أن الملحن عمرو مصطفى اتهم ويجز مؤخرا، بشراء موسيقى أغانيه بمقابل مادي، قائلا: "على فكرة ويجز وكل الشباب اللي طالعة جديدة كلهم بيشتروا موسيقى جاهزة بـ100 دولار والموزع دوره مش موجود".

وأضاف: "الموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي، والناس اللي طالعة جديدة عندها موسيقى جاهزة ومش محتاجة موزع موسيقي ترغي معاه وتعمل معاه الشغل دة كله وممكن أنزل كل يوم 3 أغاني لأن الموسيقى ممكن تشتريها على النت، ودة بيلغي دور الموزع".