احتفلت النجمة اللبنانية نانسي عجرم بعيد ميلادها الـ38 في جوّ من الفرح والسرور، وتلقّت تهاني زملائها الفنانين والمتابعين عبر صفحاتها الرسميّة على مواقع التواصل الاجتماعي الذين تمنوا لها دوام الصحة والنجاح والتألق، ومن أبرز المهنئين:

– النجمة نوال الزغبي التي تمنّت لها السعادة والصحة والنجاح عبر تغريدة لها قالت فيها: "بتمنالك تعيشي مية سنة كلها صحة وسعادة ونجاح، كلسنة وانت نجمة كبيرة”، فردّت عليها نانسي: "وأنا بدي باركلك بنجاح "بكلم خيالي” و”أسعد لحظة” اللي بيلبق لنجمة بتلمع ذهب! شكرًا نوال”.

– النجمة نجوى كرم تمنت لها السلام والنجاح "إن شالله تضللي معيدي بالسلام والنجاح عقبال المية يا رب”، فشكرتها نانسي: "شكر كبير ومن القلب نجوى بعرف الظروف صعبة ولكن وجودك أساسي بكل الأوقات. الكل بانتظار الرجعة”.

– النجمة ماغي بو غصن عايدتها بدورها "عقبال المية سنة صحة وسلام ويخليلك عيلتك نجمتنا الحلوة”، فقالت لها نانسي: "النجاح كان رفيقك السنة متل كل سنة. وبتستاهلي بعد أكتر”.

– النجمة سيرين عبد النور عايدت نانسي ووصفتها بالطاقة الإيجابية الدائمة "نانسي الصوت الجمال وخفة الدم نانسي الطاقة الإيجابية الدائمة بإذن الله كل سنة وأنت بخير حبيبتنا”، وردّت عليها نانسي "كلّ الحب لإلك سيرين، السنة الموسم الدرامي على رمضان افتقد لوجودك ولكن بعرف إنه اللي عم يتحضّر كبير وبيشبه نجوميتك!”.

– النجمة جيني إسبر تمنت لها أياماً بيضاء "كل عام وأنت بألف خير إن شاء الله سنة نجاح وأيام بيضا”.

– الشاعر منير بو عساف تمنى أن تبقى نجمة ساطعة في سماء الفن قائلاً "بتلبقي للحياة وبيلبقلك كل شي حلو، إن شالله بتكون كل سنينك صحة وفرح ونجاحات مستمرة وتضللي نجمة ساطعة بسما الفن”، فشكرته نانسي آملة الاستمرار بالتعاون معه "النجاحات جمعتنا بالسابق وإن شاء الله بتجمعنا بالأيام اللي جايي كمان! شكرًا منير”.

– الموزّع الموسيقي باسم رزق كتب: "صغيرة الهدايا كتييييير ع قياسك.. كل ساعة وكل يوم وكل شهر وكل سنة وكل العمر وأنت بخير..”، فردّت نانسي: "أوقات الكلام ما بيوفي ولا بعبّر. بحبك كل ساعة وكل يوم وكل شهر وكل سنة لآخر العمر”.

– الملحن هشام بولس أبدى افتخاره واحترامه لها بعيداً عن المعايدات الكلاسيكية كما كتب "بعيداً عن المعايدات الكلاسيكيّة! بدّي قلِّك إنّو بحترمك جدّاً وبحبّك جدّاً على الصّعيدين الشّخصي والفنّي. وبدّي قلِّك إنّو بفتخر فيكي كإنسانة وأمّ وفنّانة ونجمة رافعة اسم لبنان. وبدّي أتمنّالك كتير نِعَمْ وأكتر محبّة… وعقبال عمر طويل حلو متلك”. وبالأسلوب نفسه ردّت عليه نانسي: "وبعيدًا عن العلاقة المهنية اللي بيعرفك على الصعيد الشخصي بيتأكّد إنه أخلاقك بتوازي موهبتك. وأنا كمان بحبك وبحترمك كتير”.