معجبة تتغزل في تامر أمين على الهواء.. فيديو

تعرض الإعلامي المصري تامر أمين لموقف محرج على الهواء، حيث تلقى اتصالا هاتفيا في برنامجه «من الآخر»، من معجبة، تدعى «ياسمين»، قالت له إنه كان السبب الرئيسي لوقوع مشكلة كبيرة بينها وبين زوجها كادت تصل إلى الطلاق.

المعجبة روت ما حدث بقولها: «أنا متابعة جيدة ليك من أيام “البيت بيتك” علشان شخصك أولا وعلشان موضوعيتك ثانيا وعلشان موضوعاتك مهمة جدا، فأنا مكنتش بقدر أتابع حضرتك في الحلقة المباشرة فمبقدرش أنام قبل الساعة 2 ونص بالليل علشان أشوف الإعادة، وهو عنده ممنوع إن التليفزيون يشتغل بالليل».

وأضافت: «وكل يوم يجي يقولي ها هتتفرجي على حبيبك؟!.. حبيبك جيه؟.. وأنا فعلا والله مبقدرش أنام غير لما أتفرج على حضرتك، لأنك بتجبلي ملخص لكل اللي بيحصل في الدنيا، وجوزي من كتر سيطرته فاصلني عن العالم، فأنت النافذة بتاعتي على الدنيا».

فرد تامر: «وربما على الآخرة لو استمر الموضوع كده»، فقالت ياسمين: «يعني لا هيبقى حياة ولا تامر أمين؟!.. أروح أموت بقى خلاص»، فقال تامر: «لأ بعد الشر.. بس هو جوز حضرتك فين في المكالمة دي؟»، فقالت: «ما أحنا اتخانقنا خناقة كبيرة جدا وسابلي البيت ومشي ووصلت للطلاق فعلا»، فقال تامر أن الحل الوحيد أن تشاهده في الحلقة المباشرة.