فيسبوكيون للأمانة: في العام القادم كرموا هيفا وهبي!! "صور"

استنكر "فيسبوكيين" و"مغردون" على مواقع التواصل الاجتماعي قيام احد المراكز التابعة لأمانة عمان بتكريم الفنانة المصرية يسرا بمناسبة عيد الأم في حفل عشاء خاص وتحت رعاية امين عمان عقل بلتاجي.

واعربوا عن شديد استيائهم عبر تعليقات غاضبة من التكريم الذي طال فنانة من خارج البلاد في تجاهل للامهات الاردنيات -حسب التعليقات-.

ومن التعليقات التي رصدتها jo24 :

" للأسف ما عنا امهات يستحقن التكريم في الأردن فقامت أمانة عمان باستيراد واحدة من مصر!!!!"
" الا تستحق والدة الشهيد الطيار الكساسبة التكريم مثلا؟؟!!"
" أمانة عمان مو مولاقية سولافة بدها تسوق حالها خارجيا بعد فشلها محليا يا عمي ناس رايقة"
" صحة وهنا يسرا تعشي واحملي الورود انت الأم المثالية بنظر الأمانة مع انه ما عندك اولاد بس شكلك ام النا كلنا يا حبيبي يا ابو اشررررررررررررف"
" يا خسارة عيد الأم شو بده يتحمل ليتحمل السنة الماضية فيفي عبده الام المثالية في مصر واليوم يسرا الام المثالية في الأردن"
" أكثر من 4 ملايين ام في الاردن ما لقت امانة عمان وحدة بينهم تتكرم ول علينا شو يلي عم بصير بالبلد"
" انا امي اردنية همها تربي زلم ومو همها توخذ ورد وتتعشى مع...."
" تحية لأمي يلي خرجت من تحت ايديها اثنين عسكر ودكتور ومهندسة انتي الام المثالية يا أمي"
" لما شفت تكريم يسرا في عيد الأم وبرعاية امانة عمان حزنت على عيد الام لوين وصل مستواه"
" السنة الجاي بدنا اليسا وهيفا بالله عليك ياأمين عمان لا تخيب رجائي"
" هزلت والله مسخرة ما بعدها مسخرة ابوس راسك واقدامك يا أمي وابوسك راسك يا ام معاذ الكساسبة"
" ههههههههههه مو قادرة اعبر مدى الخزي يلي بشعر فيه كأم بعد تكريم يسرا"
" الأم الاردنية مش بحاجة لتقدير من جماعة بلتاجي"
" ترى حق العشا وبوكية الورد من جيوبكم يا اهل عمان الكاميرات قاعدة بتلم مصاري عفق"
" زمن الفنانات وين الامانة عن مهدبات الهدب".