حبس العريس والده ... بين مؤيد ومعارض

جو 24 : قوبل قرار تفعيل العقوبات ضد مطلقي العيارات النارية في الافراح, بردود فعل واسعة بين مؤيد لحبس العريس ووالده في حال اطلق الرصاص في عرسه, وبين مطالب بعقوبات أقسى تكون رادعة اكثر, في الوقت الذي راي فيه اخرون ان هذه العقوبة قد تظلم العريس حين تستغل من قبل البعض للايقاع به. ورغم هذا التباين في الموقف من شكل العقوبة وشدتها وجدواها, ظهر اجماع بين متصفحي موقع الراي الالكتروني على ضرورة معالجة ظاهرة اطلاق الرصاص في الافراح والمناسبات الاجتماعية عموما. فقد اجرى" الراي الالكتروني" عبر صفحته على "فيسبوك" استطلاعا لاراء متصفحيه حول عقوبة حبس العريس ووالده في حال اطلقت عيارات نارية, حيث اظهر كثيرون من قراء الراي الدعم الكامل لمعاقبة كل من يطلق النار بهذا الشكل وايد البعض منهم حبس العريس ووالده . حيث قالت Lina Abu-ishaq " تصرف الناس الهمجي بيجبر السلطات لاتختذ قوانين واجراءات رادعه حتى لو وصل الامر لحبس العريس...بلكي الناس بطلت هالعادة السيئة ...والله حرام الارواح يلي بتموت من هيك همجيه". وايدها Moutasem Qadomy " انا مع القرار لانو اللي بدو يفرح ما بفرح بالطخ وشو يعني يطخ صار زلمه ومحرر المسلمين بدك تفرح ما حد محاسبك بس بفرحتك تقتلنا ما بطلعلك وكل واحد معارض هالقرار لو ابنك او اخوك او واحد من اهلك صابتوا رصاصه بتقبل تضل هالظاهره في بلدنا مش معقول كل عرس واحد بتجوز وواحد بتكفن ((((لا تقتلني بفرحتك )))) ومنهم من طالب بالعقوبات كفرض غرامة مالية تقول (Mirvat Jaber) " مع حبس العريس ودفع غرامه ماليه ١٠٠٠دينار حتى لا يلعبوا في عمر الناس " واكد DrBasem AL Khtaebeh مع فرض العقوبة بل ومع فرض غرامة مالية 1000 دينار مع كل طلقة . ليكون عبرة لغيرة .....او ليبلغ اهل العريس او العروس عن الشخص الذي يخترق القوانين....لابد من الحزم لانقاذ المجتمع. فيما لاقت هذه العقوبة الكثير من الرفض باعتبار ان هذه العقوبة يجب ان تكون على مطلق الرصاص ولا ذنب للعريس ووالده. يقول (Sami Mousa) يعني اذا في شخص بكره العريس او ابوه بحبسهم وبالقانون . فيما قال Abusaif Nizam Jilani " طبعا ضد القرار ﻻنه العريس ما اله علاقه احيانا ناس عابربن سبيل يشوفو فرح ببلشو يطخو ويسحبو حالهم ويروحو وما الهم علاقه بالفرح وكيف العريس بدو يعرفهم ويجيبهم .. ، وتناول Ala'a Ta'ani بوجهة نظرة اخرى قال " اذا انا بكره إنسان بروح على عرس وبطخ وبسجن العريس ابوه ... انا مش عارف كيف اتخذ هذا القرار " اما معين الطرابشه فتناول الموضوع بصفة عامة "مش عارفين شو بدهم يعملو شو دخل العريس ليش ما تعملو حمله ضد السلاح طلعو قرارات بعدم حمل السلاح والغو الواسطات .. اذا 80 %من سكان الاردن معهم اسلحه المفروض ملاحقة الي معه سلاح مش سجن العريس خليكم ارقى وافهم من هيك.. ومن جهة اخرى تناول البعض الموضوع ي بسخرية يقول Ayman Smadi "هههههههههه اذا بتحقد على واحد روح طخ بعرسه ....ههههههه، ولـ" Imad Imad " راي مشابه فيقول "احبسوا كل المعازيم اريح " . اما AL Gharaibeh "الي بحب العريس لا يطخ ههههههههه بكره هيك المغني بالاعراس بصير يعمل وطالب Ghalib Kharabsheh بحبس العريس والعروس معا "انا مع حبس العريس والعروس معا." ومنهم من استهجن تنفيذ العقوبة فقط على مطلقي النار في الاعراس. يقول Odai Alawadat "يسعد الله يعني نطخ بالتوجيهي عاااادي!!" ويتساءل Hani Amra Nawafleh طيب اذا كان توجيهي او تخريج جامعة ما في عقوبة مثلا اما جمعه عبد الفتاح المعايطه فيقول " انا مع عدم إطلاق العيارات الناريه" وطالب اخرون بشمول كل المناسبات التي يتم فيها اطلاق العيارات النارية. تقول Sana Dia طبعا مع...لو الاطلاق مش بالاعراس برضو يجب تطبيق القانون كمان متل التخرج و توجيهي هيك شي و طالب Feras Abuomar ﻻزم كل من بطخ بأي مناسبه سجن سنه" واستغرب بعض المعلقين رفض البعض للعقوبة, اذ يقول سليمان نصرالله الزيود " الأخوة المعترضين على اجراءات أجهزة الدولة في مكافحة ومنع هذه الظاهرة القاتلة التي أصبحت كالوباء ينخر المجتمع ، هل ستعترض لو قدر أن يصاب أحد اعزاءك بهذه العيارات النارية؟ واليس من الأفضل أن يتم اضافة ثمن هذه الرصاصات إلى مبلغ النقوط للعريس؟ وهنا فيها فائدة أكثر ورجولة وكرم أكبر وفخر لا يمكن أن ينكر". وتوجه Ahmad Awad الى فئة الشباب قائلا: " والله حرام يعني انت عشان تفرح تحزن غيرك انت هيك صرت بطل يحكوا انك مشان الله عليك طخ بعرس اخوه ...اظهر حالك للناس بأخلاقك وإنجازاتك وليس بتفاهتك ولو السلطة بأيدي لأحبس كل اهل العريس الي حضروا العرس وطخوا او سمحوا بالطخ........ملاحظه للي بطخ بالاعراس هو اول واحد لو انطلب منه الخدمه العسكريه بيشرد منها يلا عاد بلا مسخرة وهدم بيوت واستهتار بارواح الناس" .... اما Mahmoud Damer فيقول "مع قرار حبس العريس وياريت انو كل شخص يحمل السﻻح في شتى مجاﻻت الحياه ان كان فرح او صلح او اين كان دون اذن رسمي او وظيفي يحول الى الحاكم العسكري ويحاكم قضية سياسيه دون اي تهاون في الحكم مهما كان الشخص او صفاته او عائلته وتناول Abu Ahed الموضوع من ناحية دينية " المفروض اننا في القرن 21 ....استخدام الاسلحه والرشاشات والاعيره الناريه واغلاق الشوارع والطرقات لا يمت للاسلام بصله وعادات يجب التخلص منها ....بالعربي يا اخي اذا بدك تفرح وتنبسط شو دخل الناس الاخرين تضرهم ..روح على صاله وظلك نط للصبح". وتساءل اخرون عن مدى المصداقية في تنفيذ العقوبة على الجميع وبدون استثناء. يقول Farouq Qadoumi " إذا طبق على المدير قبل الغفير" فيما يقول ALi AL OMARi : " اعتقد ان هذا القرار لن يطبق في جميع المناطق فهناك مناطق لا يطبق فيها القانون...الأسلحة والسيارات من غير نمرة في تلك المناطق وشبه خارجة عن القانون". اما Baha Marayeh فطالب بتطبيق القانون على الجميع قائلا " والاهم يطبقو القانون ع الجميع"الرأي