صورة مسيئة لعمال الوطن تستفز مشاعر الاردنيين

أمل غباين - تسبب تداول صورة لعمال وطن يتم نقلهم داخل مركبة "مسيجة" استياء العديد من مرتادي مواقع التواصل الاجتماعي والذين تناقلوا الصورة مصحوبة بتعليقات غاضبة.

وصب المعلقون جام غضبهم على امانة عمان بسبب الصورة التي اعتبروها غاية في الاساءة لشريحة "مستضعفة" مطالبين بفتح تحقيق في الحادثة.

الصورة التي اظهرت عمال الوطن في مركبة تشبه ناقلة المواشي التقطت صباح الاربعاء بالقرب من الدوار الرابع حسب العديد من المعلقين.


ومن تعليقات الناشطين التي صاحبت الصورة:

" حسبي الله ونعم الوكيل ناس تسببت بزيادة عفونه الامانة بتركب مرسيدس ويلي بنظفوا عمان بركبوا سيارات نقل الخراف".

"شو هاد حاسه انه داعش عم تنقل ضحاياها وسط عمان".

" وين بلتاجي ابو المكانس يلي بنظف شوارع عمان ما يروح ينظف العقليات يلي بتشتغل عنده لانها ما بتحترم الناس".

" يا عيب الشوم على الناس يلي شافت هالمنظر وما وقفت السيارة ونزلت العمال والله لو كنت بالمنطقة لسكرت الشارع على هيك منظر بقشعر البدن".

" متى استعبدتم الناس وقد ولدتهم امهاتهم احرارا".

" منظر يلخص واقعنا المرير للأسف".

" والله مو قادراستوعب الصورة حسيت انها فوتوشوب معقول في القرن الواحد والعشرين يتم نقل العمال بهذه الطريقة المتوحشه".

" اين منظمات حقوق الانسان عن هذه الصورة ؟!".

" حكيتولي مستوى الحريات طلع الاردن الاول فيها عربيا طيب وعلى مستوى احترام الانسان وكرامته شو تصنيفنا حد يجاوبني".

"هذه الصورة لو التقطت في دولة تحترم الانسان وتحترم نفسها لاستقالت الحكومة عن بكره ابيها و لاقدم المسؤول المباشر عن نقل العمال على الانتحار لانه تسبب بجرح مشاعر الناس واستفزهم بطريقة بشعه للغاية".

" صورة العام 2015 يجب ان ترفع في عيد العمال القادم لانها تؤكد مدى الظلم الذي يقع على عمال الوطن".