#ياسمين_رئيس تعرضت لموقف سيء في #مهرجان_القاهرة وهكذا علّقت

جو 24 : علّقت الممثلة ياسمين رئيس على سوء تنظيم قاعات العرض خلال عرض الأفلام المشاركة في مهرجان القاهرة السينمائي الدولي وتحديداً في فيلم (من ضهر راجل).

كتبت رئيس عبر صفحتها على موقع الـ Facebook: “امبارح حضرت العرض الأول لفيلم (من ضهر راجل) في مهرجان القاهرة السينمائي وللأسف كان من الصعب عليا أنا وأبطال الفيلم دخول قاعة المسرح الكبير في الأوبرا قبل بداية عرض الفيلم بوقت كافي بسبب الزحام الشديد والسلوك العام من الكل، بالنسبة للزحام فده شيء يسعدني لإن الناس حريصة على إنها تشوف فيلمي، لكن القاعة عدد كراسيها محدود، والدخول بأسبقية الحضور زي ما كلنا عارفين، فكان المفروض الباب يتقفل لما القاعة تتملي بالكامل”.


تابعت: “لكن الأمن تعامل بارتباك مع الموقف والجمهور كان مستمر في دخول القاعة رغم إن مفيش أماكن جوا، ده غير بعض الصحافيين اللي كانوا بيطلبوا في وقت وظرف زي ده تصريحات نارية ضد الموقف مش أكتر عشان سبق صحفي مزيف أو أي فرقعة إعلامية. أتمنى إن الجمهور والصحافيين والقائمين على تنظيم مهرجان القاهرة إنهم يتعاونوا مع بعض ومايخلوش فيه فرصة لتكرار ده تاني”.