بالصورة.. كيف علقت سلاف فواخرجي على الإنتخابات السورية؟

أدلت الممثلة السورية سلاف فواخرجي بصوتها في الإنتخابات البرلمانية السورية حيث أكّدت أنها اليوم بمشاركتها ومشاركة السوريين تفتح صفحة جديدة لبلدها التي تحبّها وتحلم بأن تكون أفضل بلد. ونشرت سلاف عبر صفحتها الخاصة على موقع التواصل الاجتماعي "فيسبوك" صورة أثناء إدلاءها بصوتها أرفقتها بتعليق:

"بعد خمس سنوات حرب وعذاب ومعاناة لازم نكمل هالطريق وندافع عن وجودنا ... اليوم بمشاركتنا بالانتخابات عم نفتح صفحة جديدة لبلدنا اللي منحبها ومنحلم فيها لتكون أفضل بلد... بعرف انو الاحباطات كتيرة وانو آمال كتير خابت من خلال ناس كلفناهم وماكانوا قد الثقة... كلفناهم ليخدموا البلد والشعب ليس ليزيدوا المسافة بينهم وبين الناس ويزيدوا الفساد وللاسف يستفيدوا من الحرب ... بس اذا مارحنا وانتخبنا اللي متوسمين فيهم خير... رح نتأذى أكتر بوجود ناس مابدنا ياهم... ممكن نكون ضد المشاركة لكتير اسباب بفهمها وبتفهمها وبأيد معظمها... بس مجرد ننزل ونشارك بحق طبيعي النا وبواجب علينا متل ماعملنا واجبنا بوجودنا ببلدنا ودفاعنا عنه بكل الطرق... معلش ننزل ونختار اللي بدو يحكي باسمنا وبوجعنا... عالاقل قدام العالم كله... سوريا عملت انتخاباتها بوقتها وشعبها اللي حماها وماقصر وداق المر بكل اشكاله وبقي معها بالسراء والضراء حمى سيادتها... وكل شي عملناه وعم نعمله على امل كبير تنهض سوريتنا من اول وجديد بقلوب صافية بتخاف عالبلد وتقدم للبلد ماتاخد منه... وتقرب من الشعب ماتبعد عنه... ونعتمد مبدأ الحساب والعقاب... ونصير نحاسب عالافعال ليس على النوايا ...".