ابن أصالة بين صديقته وشقيقتها

أعلنت الفنانة#أصالةأنّ ابنها الصغير علي، يمر بأزمة عاطفية بسبب قصة حب انتهت بخلاف كبير مع صديقته، مما اضطره إلى التحدث مع شقيقتها التي بادرت إلى معاملته بالسوء. وأضافت: "علّوشة بيحب، وأكيد لكونه رسّاماً موهوباً بيحب زيادة عن العادي، تخانق من مدّة مع حبيبته وقال ماله غير أختها يشتكيلها منها، اتّصل فيها من الموبايل اللي شايفينه بالصورة وقعد يفضفضلها، والحقيقة إنّه اتصل بأختها لأنّه كمان صحاب معها، وقامت طلعت أختها عصبيّة وقالتله كلام عن جد بايخ، هلأ هوّي كان شوي فاقد وعيه... أنا الحقيقة سمعت غصبن عنّي المكالمة وحاولت لطّف الأجواء، وعلوشتي بس يخلص من شوية التعصيب بيهدا وبيبتدي يفكّر وبيعتذر، وعلّوشة لمّا بيعتذر بيتصدّق لأنّه تاريخه بيشهدله، وبعدما بعت رسالة لأختها اللي هيّي بنوته مو سهله ومو كتير طيبة متل ما كان هوّه مفكرها، ومفادها إنّه بيعتذر طبعاً وللأسف بالإنكليزي (لسّه ما بيعرف يكتب عربي)، بعتتله الأخت رسالة واللي هوّه بالصورة بيقراها، وكمان كانت بذات اللغة، قاسية وقويّة وكلام بمنتهى الغرابة، المهم تصالح هوّه وحبيبته وضلّت علاقته بأختها سيئة للغاية لدرجة إنها لو جنّت عالساندويتش تبعه بالمدرسة مابيعطيها عضّه، وقلّه أدّومي: يا أخي ما كان فيه داعي تدخّل حدا بينك وبين حبيبتك، شوفني أنا لهلأ ماحدا بيعرف مين حبيبتي أصلاً".