سارة عبد الرحمن تكشف سر الفستان الذي ظهرت به في مهرجان الجونة

كشفت الفنانة الشابة سارة عبد الرحمن، عبر صفحتها على "فيس بوك"، سر الفستان الذي ظهرت به في مهرجان الجونة السينمائي، وأكدت أن الفستان مصنوع من 30 كيسا من البلاستيك.

وقالت سارة: "مصر بتنتج ١٢ مليار كيس بلاستيكي في السنة.. و١-٥ ٪‏ من العدد ده بس يعاد تدويره.. الباقي بيفضل مدة طويلة في قوالب القمامة ومع الشمس بيطلع مادة سامة اسمها الميثان الذي بيضر الإنسان وبيجبله أمراض منها السرطان.. أو بيستقر في البحر أو الصحراء عشان يهدد الثروة الحيوانية، في الغردقة مثلا شعب مرجانية بتموت وبتتدمر بسبب الأكياس البلاستيك.. القمامة كارثة محتاجين نعرف عنها أكتر عشان نبتدي نعمل أي حاجة تنقذ الموقف زي مثلا إعادة التدوير".

وأضافت: "حاجة زي كده أكيد مش هتتحل بين يوم وليلة وأكيد برضه ما نعرفش نمشي بالشكل الـperfect عشان نصلحه بس أهو بنحاول ناخد خطوات صغيرة فمبسوطة أقول إن اللي أنا لابساه ده معمول من ٣٠ كيسا بلاستيك مُعاد تدويرهم".