فنانة مصرية تبكي على الهواء: "عشت 30 سنة مضحوك عليا من أصدقاء وأقارب"
بكت الفنانة ناهد رشدي، خلال حلولها ضيفة على برنامج "الستات" على فضائية النهار المصرية، بسبب الأزمة المرضية التي تعرضت لها مؤخرا.
وقالت الفنانة المصرية: "تعايشت مع تعبي وشفت كل واحد على حقيقته في فترة مرضي، ومش عايزة أقول المرض اللي كنت بعاني منه".
وأضافت: "التعب غير فيا حاجات كتير، وابتديت أشوف الناس على حقيقتهم ناحيتي، وكان فيه ناس فرحانين في مرضي وللأسف أقرب الناس ليا".
وتابعت: "انا ما كتبتش على السوشيال ميديا ظروف مرضي ولا إيه المرض اللي أصبت به، عشان محدش يشمت فيا، ولو حد بيحبني هيزعل بجد".
وأردفت: "عشت 30 أو 40 سنة مضحوك عليا من أصدقاء وأقارب، وأنا كنت مصدقاهم بس اكتشفتهم على حقيقتهم في فترة مرضي، وعرفت إنهم عايزين يشوفوني في أسوأ حالة، ودي بالنسبة لي خيانة".
تابعو الأردن 24 على 
