ياسمين عز: "لو بتكلمي صاحبتك أو أختك وجوزك دخل البيت اقفلي على طول" (فيديو)

تصدّرت الإعلامية المصرية ياسمين عز مجددا "تريند تويتر" في مصر، بعد تصريحات جديدة مثيرة، عن العلاقة بين الرجل والمرأة.

وردّت الإعلامية ياسمين عز، مقدمة برنامج "كلام الناس" على قناة "إم بي سي مصر"، على سؤال إحدى المتابعات لها يقول: "ليه صوتك سهتان؟".

 وقالت: "في أصوات شتوية وأصوات صيفية"، متابعة: "الصوت الشتوي بيكون زي صوتي كدا ناعم ودافي وسهتان شوية، أما الأصوات الصيفية فيكون صوت عالي شوية وحاد ومش بيفصل".

وتابعت: "خامة الصوت الشتوي هو الأفضل، وأنا صوتي شتوي وخامته شتوية.. أما بالنسبة للرجالة ربنا خلقهم صوتهم جذاب وخلاب".

وشرحت ما يسمى بـ "إتيكيت التعامل مع الزوج، والذي يجب اعتماده في البيت لحياة هادئة على حد قولها.

وقالت "في حاجة اسمها اتيكيت التعامل مع الزوج.. الرجل نعمة من نعم ربنا مثل الأكل والشرب وهو أحسن، وهذه النعمة لها اتيكيت".

وتابعت : "لو بتتكلمي مع صاحبتك أو مامتك أو أختك في البيت وجوزك دخل البيت، اقفلي التليفون من غير ما يبصلك أو يرمش.. لازم يحس أن دخوله للبيت ليه هيبه ووضع".