رضوى الشربيني تعلق على سجدة عروس حسن شاكوش (فيديو)

علقت المذيعة المصرية رضوى الشربيني على واقعة سجود عروس مطرب المهرجانات حسن شاكوش، خلال حفل زفافهما، الجمعة.

وقالت رضوى الشربيني خلال برنامجها "هي وبس"، عبر قناة "CBC سفرة" إن حرية التعبير مكفولة للجميع بالشكل الذي يريدونه، مؤكدة أن كثيرا من الناس طالبوها بالتعليق على سجدة عروس حسن شاكوش.

 وأضافت: "صحيح هي حركة أوفر جدا، وآخر حاجة كنا بنشوفها إن لاعيبة الكورة يسجدوا لما يجيبوا جون، بس كل واحد من حقه يعبر عن فرحته بالطريقة اللي تعجبه".

وتابعت: "كنا بنشوف إن العرايس لما تبقى فرحانة وسعيدة تبوس إيد جوزها أو كتفه أو تحضنه، ولكن إن ست تسجد في فرحها قدام الناس، مشوفناهاش قبل كده".

ووجهت رضوى الشربيني حديثها لمتابعاتها قائلة: "ياريت يا بنات متعملوش كده أبدا، لما آجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده".

واحتفل مطرب المهرجانات المصري حسن شاكوش، الجمعة، بحفل زفافه على فتاة من خارج الوسط الفني، تدعى ريم طارق.

وفي أول مشاهد حفل الزفاف المعروف بـFirst look سجدت ريم طارق فرحاً قبل دخول حسن شاكوش إلى القاعة لرؤيتها، ما أثار دهشة الموجودين.