معلم أردني يوزع أدلة دراسية مجانية لمساعدة الطلاب

 يوقف محمد الحارون وعدد من زملائه المعلمين حافلتهم خارج مدرسة في العاصمة الأردنية عمان، ويقومون بتوزيع شروح دراسية استرشادية على الطلاب مجانا.

يتعاون الحارون مع المعلمين من خلال القيام بجولة في أحياء المملكة لتوزيع أدلة دراسية مجانية مصممة لمساعدة الطلاب خلال العام الدراسي.

وقال الحارون "أنا كأستاذ محمد الحارون بستفيد أنه أنا قدرت أوصل العمل الخيري والتطوعي لكل طالب موجود بالأردن فهذا شيء عظيم بالنسبة لي لو ما كان الموضوع مادي ما بهمني على قد أنه العمل الخيري أنك أنت إللي بتقدمه قاعد كل حدا قاعد بشوفك بالشارع بشوفك بأي مكان بقول هذا الأستاذ محمد الحارون وهذول معلمين منتدى طلاب الأردن إللي وقفوا معانا وساندونا بسنوات الكورونا وما بعد".

وامتدح أولياء الأمور المبادرة.

وقال أحمد مصطفى وهو أحد أولياء أمور الطلاب "مبادرات كتير كويسة ومنيحة وبتساعد وتخدم خاصة بالظروف إللي إحنا فيها هسا والحالات المعيشية إللي بنعيشها بتعرف شو معاناة التدريس ومصاريف التدريس كتير غالية مبادرات زي هيك كتير رائعة بتخفف أقل ما فيها على الأهالي".

أطلق الحارون وثمانية معلمين آخرين من "منتدى طلاب الأردن" و"حصص أونلاين" المبادرة قبل عامين، والتي تتضمن أيضا تقديم بعض الدورات المجانية المباشرة عبر الإنترنت. وقال "تقريبا بنسوي بالسنة ما يقارب ١٠٠ ألف دوسيه أنا وكادر المعلمين جميعا ما يقارب ال ١٠٠ ألف دوسيه. يعني أنا لحالي كل فصل ما يقارب ال ١٠ آلاف دوسية إللي بعملهم لكن السنة هاي الرقم صراحة أكبر ما كفانا ١٠آلاف.. طبعنا أول ١٠ آلاف واحتجنا نطبع كمان 10 آلاف (وهلم جرا)".

وأضاف "بدت المبادرة من سنتين كنا بنشرح قبل هذا الوقت طبعا على لوح صغير. كنا نشرح قبل هذا الوقت طبعا على لوح صغير.. كنا نشرح بهاي الغرفة وأغلبنا كان يشرح في بيته وأيام الحظر كنا نشرح نفس الشي على اللوح الصغير بعديها قررنا كلنا أنه كل واحد يطور ستوديو خاص فيه لنقوم خدمة جميع طلاب المملكة إللي غير قادرين على شراء البطاقات ونكمل معاهم بإذن الله في هذا الشرح على الفيسبوك".

وأبدى الطلاب امتنانهم ومن بينهم الطالبة لين فاروق. وقالت "المنصة كتير منيحة بتوفر علينا مصاري لأنها بتعطينا الحصص ببلاش (مجانا) بتكون لايفات بنقدر نتفاعل مع الأستاذ. بنستفيد منها من ناحية أنه تأسيس التوجيهي".رويترز