رضوى الشربيني "تريند مصر".. سؤال تسبب في بكائها على الهواء (فيديو)

جاء اسم الإعلامية المصرية رضوى الشربيني، ضمن قائمة الأكثر رواجا على محركات البحث، بعد لقاء تلفزيوني أطلقت فيه تصريحات صادمة.

وحلّت رضوى الشربيني ضيفة ببرنامج "أنا والقناع" المذاع عبر فضائية "الحياة"، ومن تقديم الإعلامية منى عبدالوهاب، وتحدثت عن أصعب لحظات حياتها، كما تحدثت عن زواجها وطلاقها.

 وعن أسوأ أيام حياتها، قالت: "يوم وفاة أمي من أصعب الأيام التي مرت عليّ". ولم تتمالك رضوى نفسها ودخلت في نوبة بكاء على الهواء.   

وتابعت: "لما سمعت صوت ماما كمان بدأت تكح تاني، كلمت حد من وزارة الصحة وبالفعل جاء أفراد من الوزارة وعملوا الاختبار وطلع البيت كله إيجابي، واليوم دا قررت أنه حتى التعب مينفعش أحس بيه، لأن مفيش حد يمرض كل دول".

واستكملت: "بعد 24 ساعة بنشوف الأكسجين بتاع ماما لقيناه قليل، وقلبت الدنيا عقبال ما لقيت لها مكان في المستشفى وطلبنا الإسعاف ووديناها المستشفى أنا وأخويا، وعمري ما هنسى الكلمة اللي قالتها لي وقتها، قالت لي لو هتدخليني المستشفى أنا هموت هنا".

وعن زواجها وطلاقها، قالت: "جوزوني 13 مرة ومرة 16، والحقيقة مرة واحدة، في ناس بتعتقد عشان تنجحي لازم يكون وراكي راجل.. أنا معملتش حاجة في يوم من الأيام تكسر عيني ومفيش راجل يقدر يكسر عيني".

وعن الفيديو الذي نشرته عبر حساباتها على مواقع التواصل الخاصة بها، ثم حذفته عندما، قالت إن ابنتها اسمها تمارا رضوي الشربيني، قالت: "كنت بهزر أنا وبنتي في البيت، وهي بتقول كده، وتمارا عايزة تبقي مشهورة ومعروفة، وفضلت تطلب إني أرفعه عندي، ورفعته وبعد 20 دقيقة لقيت هجوم كبير عليا وقريت تعليقات الناس، فشيلت البوست احتراما للناس".