"الخيرة" فيما اختاره الله
د. فاخر دعاس
جو 24 : خيرة شباب البلد قاعدة بتهاجر من أجل "أردن وطني ديمقراطي" .. شخصياً مش زعلان ولا عتبان على "هالخيرة"، أنا بس بدي أفهم هالحكومة الرشيدة واللي بيقودوا البلد معها شو شعورهم لما يشوفوا هالشباب اللي مفروض تبني البلد راحت تبني بلاد ثانية؟؟!!
"هالخيرة" يئست من أن تحصل على ما يكفيها من الخبز والعدالة الإجتماعية وحكت: "يالله عالقليلة في بلدنا عنا كرامتنا وحريتنا وبنحكي اللي بدنا إياه مش زي لما نطلع برة" يعني باختصار قبلت "هالخيرة" إنها تفطر حرية وتتغدى وعي وتتعشى تثقيف. ومع ذلك استكثرت عليها حكومتنا العزيزة "شوية هالكرامة" فبلشت عقوبات للطبة الناشطين في الجامعات .. مضايقات للشباب في أماكن عملهم ..
اعتقالات وملاحقات للناشطين –اللي بطّلوا ناشطين- عشان تعليق عالفيس أو هتاف في لحظة غضب .. قانون انتخاب أفرز مجلس نواب أعضاؤه بيعرفوش وين مقر البرلمان قد ما بيغيبوا عن الجلسات بس عند الأمور الحاسمة والمصيرية بيحضروا مش عشان ياخذوا موقف "للتاريخ" ولكن لتمرير توجهات الحكومة طمعاً في تمرير معاملة مخالفة أو تعيين قريب لا يستحق الوظيفة المطلوبة.
وبعد هيك بنزعل ليش "هجوا من البلاد" .. وبنصير نزاود عليهم "وااااااال تترك بلدك عشان ليرتين زيادة .. يا عيب الشوم عليك .. وين المبادىء والقيم؟؟!!" .. "آخر واحد كنت أتوقع يترك البلد هو انت يا عثمان .. إذا انت ما ناضلت وانحبست واتمرمطت مين بده يتمرمط؟ وزير الشؤون السياسية مثلاً واللا وزير تطوير القطاع العام اللي تخصخص كله وما ضل في أي مبرر لوجود وزارته من أساسها؟؟!!
يا شباب الوطن .. اتمرمطوا في حياتكم واتبهدلوا واتغربوا و"اتشرقوا" وانحبسوا واتشرشحوا عشان ترجع حكومة ال111 برئيسها .. بوزراءها .. بنوابها وقانون الانتخاب الوهمي اللي جابته النا... #لا_حول_ولا_قوة_إلا_بالله
"هالخيرة" يئست من أن تحصل على ما يكفيها من الخبز والعدالة الإجتماعية وحكت: "يالله عالقليلة في بلدنا عنا كرامتنا وحريتنا وبنحكي اللي بدنا إياه مش زي لما نطلع برة" يعني باختصار قبلت "هالخيرة" إنها تفطر حرية وتتغدى وعي وتتعشى تثقيف. ومع ذلك استكثرت عليها حكومتنا العزيزة "شوية هالكرامة" فبلشت عقوبات للطبة الناشطين في الجامعات .. مضايقات للشباب في أماكن عملهم ..
اعتقالات وملاحقات للناشطين –اللي بطّلوا ناشطين- عشان تعليق عالفيس أو هتاف في لحظة غضب .. قانون انتخاب أفرز مجلس نواب أعضاؤه بيعرفوش وين مقر البرلمان قد ما بيغيبوا عن الجلسات بس عند الأمور الحاسمة والمصيرية بيحضروا مش عشان ياخذوا موقف "للتاريخ" ولكن لتمرير توجهات الحكومة طمعاً في تمرير معاملة مخالفة أو تعيين قريب لا يستحق الوظيفة المطلوبة.
وبعد هيك بنزعل ليش "هجوا من البلاد" .. وبنصير نزاود عليهم "وااااااال تترك بلدك عشان ليرتين زيادة .. يا عيب الشوم عليك .. وين المبادىء والقيم؟؟!!" .. "آخر واحد كنت أتوقع يترك البلد هو انت يا عثمان .. إذا انت ما ناضلت وانحبست واتمرمطت مين بده يتمرمط؟ وزير الشؤون السياسية مثلاً واللا وزير تطوير القطاع العام اللي تخصخص كله وما ضل في أي مبرر لوجود وزارته من أساسها؟؟!!
يا شباب الوطن .. اتمرمطوا في حياتكم واتبهدلوا واتغربوا و"اتشرقوا" وانحبسوا واتشرشحوا عشان ترجع حكومة ال111 برئيسها .. بوزراءها .. بنوابها وقانون الانتخاب الوهمي اللي جابته النا... #لا_حول_ولا_قوة_إلا_بالله
تابعو الأردن 24 على 
