في بيتنا حكومه

 

مشكور دوله الرئيس وفريقه الوزاري على زيارتهم لاربد ولو يعرفوا قديش بنفرح لما نسمع انهم بدهم يزوروا و زارو محافظه ولا بلده ولا مدينه والكل بلبس اللي عالحبل والمحافظ بنبه سلف ماحد يحكي ...الا اللي اخترناهم وبصف النائب كالطاووس هذا ان فوتوه عالاجتماع ينظر ومدير الدائره على جنبه بمسح جوخ والشعب من بعيد بتطلع وبقول الحمد لله اجا الخلاص ظانا انه الخلاص فعلا وان الحكومه جايه تحل كل مشاكله وسرعان مايكتشف هالمسكين انه مثل تي تي تي تي زي مارحت زي ماجيت

لكن تعودت الناس على مثل هذه الزيارات من وزرائك وصارت ماتفرق معهم حتى ان البعض قال وشو بده يسوي مثل قبله

مشكور دولتك ...وما قصرت بس ياحكومة بدنا نخبركم برساله عاجله وبتلخص همومنا بلاش نتعبكو وبلاش هالمصاريف وبتتركوا الوزارات وهموم وقضايا الناس بتروح مابتلقاكم..... وبنقول

أراضينا صارت ان ظل منها اشي للبيع.... كلانا ايدينا قلوبنا عيوننا للبيع للبيع حتى ضمائرنا صارت للبيع .. جرايدنا للبيع.. يا بلدنا على أونا .. على دوّي .. مين بدو يشتري يا أهل المروة ...صرنا للبيع وصرنا نستحي على حالنا...وقلنا الشكوى لله الكبار ماكلفو خاطرهم يوم يسالونا عن حالنا

وحكومتنا بتتباهى انها استطاعت صرف روشيته البنك الدولي واهراسه وانه ارسل لها كتاب شكر وقال ان الحال تمام هيك بدنا ياشطار .... دون النظر للحال اللي لغى الطبقه الوسطى ولا ,,حال الفقرا والغلابى والمساكين والبنزين الله وكيل مثلنا مثل الزوار والضيوف السعر واحد ....والكل عالدور ... سيارة الرنج مع التويوتا وعبي صارت تعاملنا مثل الاشقاء الخليجي والمصري والعراقي ومثل السعودي التنكه للجميع بسعر واحدلانهم اشقاء ياريت حكوماتهم تشعر معنا وتقدم دعم لابنائها البترول

بلدنا المليونين اردني صارو ثمانية وقالوا عشرة ومياتنا على قد حالنا لافرات ولا نيل ولا نهر عظيم عنا الا رحمه ربنا وسقياه ... وتنك المي صار بخمس و عشرين.....

والوافد صار يحتل البيوت بفلوسه وقانون المالكين معه بدفع ثلاثمايه وخمسين وراتب الكبير بينا ميتين والزواج توقف مافي بيوت بما معنا من مال وصار لام ندور عمصدر انشاء الله رشوه اختلاس ,,,,بدهم يعودونا نمد ايدنا واحنا كبار وبنظل كبار وراح نموت من البرد جوعانين يا بلدنا ومافي لا رز ولاطحين تجار بتخزن وافواه وارانب ونواب ووزرا وعزايم ولحقونا على رز المؤسسه ولحم البلغاري والوافد بوخذها بالكوبون المجاني

ةصار سعر المول ارخص من سعر المؤسسه مع انه سرقوا الكميه ونزلوا السعر مش موفيه معهم المولات صارت ارخص من المؤسسة اللي نشئت من اجل الغلابى ... طفرانين يا بلدنا .... بالحسرة صدورنا مليانه محتارين يا بلدنا ...ليش نشكي محتارين لمين نشكي محتارين

الضرائب بتزيد كم ونوع و ماعاد للخانات اسماء تملاها والحكومة نازله بالتشددالضريبي والكبار وجدوا مهرب اسمه التهرب الضريبي ووقعت براس الفقرا,,, لاطبيب بتحاسب ولا محامي بتحاسب ولاصنايعي بتحاسب ماعندهم دفاتر ولا جداول ولا حسابات والتجار مضبطينها محامين مهرة وخريجي ضريبة الدخل... صار وظيفتها تعبي النماذج على باب الضريبه

وحكومتنا ماكلفت خاطرها يوم تسالنا ليش بنسرق وليش بنبيع وليش بنموت واقفين وليش الرشوه والفساد والاختلاس وسرقه المال العام وسرقه الكهربا والمي..... والكرامه صارت كلمه والموت مطلب وليش .. ما سألونا .. بنسرق لأنه.... سرقونا .. بنبيع لانه بعتونا و عطشانين لانكو بدكو تعطشونا بنهاجر لانه هيك بدكو منا ,وللمر ,بتدفعونا

....سرقونا الكبار ... باعونا الكبار الحرامية الكبار والحكومةبتطلب منا نسدد حساباتهم .... من وين ياحسرة وليش قاعدين بتدفعونا للسرقة والاختلاس والرشوه.....

صنعوا منا هالكبار حرامية صغار بس قاعدين وحياتكو بنكبر وبنكبر ويمكن نصيرمثلهم من كبار الحيتان ومهرة وفنانين بالسرقه والهبش .... واسنانا بتصير اقطع ,,,,احنا جوعانين ومساكين .. صغار .. صغار والله بعدنا صغار والصغير اسنانه لبن مابتنهش بعد... .بس راح تقسى وتنهش مثل الكبار وماحد احسن من حد

مش هيك بدكو دةاةيت ومديريات لمحاربه الغساد ماوقفت قطار الكبار لهيك صرنا على هالحال

ياحكومة اسمعي الغربا ,,,بقولوا عنا شحادين بقولو نشالين... محتالين عطشانين مشحرين والحقيقة تتلخص بسطرين ... نحن شوية مساكين مظلومين يا بلدنا و حياتك مظلومين

صرنا ببلدنا غرباء وصار الضيف يقول عنا شحادين ....وصرنا نترك بيوت الاجار وندور عالبيت الايل للسقوط تصبيره.... لحتى يلاقوا بيت ...المدرسه نص دوام لانه الجار بده يقرا نص النا ونص اله .... وصرنا نشتري خبز من الفرن عالطابور واحد اردني واحد وافد بالدور ياشباب في خبز ... الحكومه قالت انها اشترت قمح ماعاد عندنا قمح ولاطحين واحنا ارضنا كانت مستودعات للرومان وارض للخيرات وولادنا صارو الصبح يشتهو رغيف ساخن وكاس حليب طازه بعنا البقرة والخراف حتى الارانب والجاجات بدنا نعلم الاولاد ....وحبة الزيتون راحت البركه منها والببور ماعاد فيه كاز حتى صوته يغطي على هوشاتنا وصراخ الاولاد ... ولما نطفيه كانت امي تتشاهد ونقول اشهد ان لااله الا الله وبنصير نسمع همساتنا.. وسناه برسم النا شوارب ولحى بس مبسوطين

ونسينا كلمة شمبر اللوكس احترق والنكاشة وكبريت ثلث نجوم ونسينا البيل اللي بضوي لنا الطرقات بالليل بعد السهرة وسراج وبنوره 4ياسين... ونسينا الضحك ونسينا الجوفية وحذر بذر وكمستير ونسيت الصبايا ,,, اغاني اه اني من يجديه سافر سا سافر عالبحرية..... ونسيت مسيكم بالخير وياعمار العماري ونسينا وحذر بذر وصفطت وعزل البنات وصندوق العجب وحلاوه حمدان نسينا كثير بس ياحكومة للامانه هذيك الايام اشرف واحلى من هالايام

ياضيوفنا سا محونا الجوع كافر والعطش كافر والحاجة كافرة وماعاد في مونه ولافزعة ولاعونه ماعاد يقول لك جارك تفضل ياجار ولا الصديق وين صار لي يوم ماشفتك ومامريت عالدار صرنا نسمع بالعسكر والحرامية وصارت فاتورة المي والكهربا والتلفون شحده والوظيفة شحدة والاكل شحدة والعلاج شحدة وطلع ا