رسالة من غزة!

جو 24 : وصلتني من صديق صديقي الغزي، الرسالة التالية:
أحكيلكم ببساطة !!
غزة البلد إللي كل العالم مش عارف شو يعمل مع أهلها. رغم ان مساحتها حوالي 360 كيلومترا بطول 40 وعرض 10 تقريبا. وعدد سكانها أقل من 2 مليون شخص . غزة البلد الوحيد إللي محاصرة من سنين وفيها سيارات 2014 !! بس بتلاقيش فيها بنزين!! غزة البلد الوحيد إللي بوصل التطور فيها للمايكرويف، وبنزل مرة وحدة لبابور الكاز ..!!
غزة البلد الوحيد إللي فيها الحروب دعايات انتخابية للدولة الصهيونية.!! والمشكلة أهل غزة بيسألوا متى الحرب القادمة..!!
غزة البلد الوحيد إللي بتتأقلم مع أي خازوق بتواجهه ..!! سواء حصار بحر معبر جو أرض أي حاجة، غزة بلد الأمن والأمان بغض النظر عن أي صوت طيارة أو انفجار بالغلط ..!! المهم أنو نفسيتك مرتاحة ..!! غزة البلد الوحيد إللي نفسها تعرف ليش الكهربا بتقطع ..!!
غزة البلد الوحيد إللي لما بنزل صاروخ بالحرب الناس ما بتهرب !! بالعكس بيلحقوه ..!!
غزة المكان الوحيد في العالم إللي بتلاقي في راجل لابس ومشخص وهيبة ومنظر و منصب وراكب جيب ومحفظته خاوية على عروشها وماشي سلمات وتحيات وبضحك ومبسوط ..!!
غزة البلد الوحيد إللي ممكن تعيش أزمة مادية معنوية نفسية مجتمعية هيروغلافية ..!! وتلاقي الناس بحكو نكت..!!
غزة البلد الوحيد إللي بكون عليها ضرب من الجو والبر والبحر ورغم كل ذلك تلاقي فيها الصواريخ بتطلع من تحت الأرض رغم ضعف الامكانيات ..!!
غزة البلد الوحيد في العالم إللي الصبر نفسه بتعلم فيها معنى كلمة الصبر..!!
غزة باختصار مصنع الرجال وإللي مش مصدق يجي على غزة ويشوف بنفسه..!!
ابتسم أنت في غزة
بلد الكرامة والعزة...!!!
فكرة خارج النص
فكرة رائعة لـ «صدقة خفية»
اذهب للبقالات داخل الاحياء الفقيرة و اطلب من صاحب البقالة دفتر المديونيات لزبائن البقالة، ستجد أرامل وفقراء يشترون بالدين وينتظرون نزول الراتب أو وصول المعونات لسداد البقالة , ستجد تكلفتها بسيطة في نظرك لكنها هم ثقيل في حياتهم قم بتسديد المديونيات التي تستطيع سدادها وقم بحذفها من الدفتر، أو حتى ولو جزء منها . كرر هذه كل شهر وفي بقالات مختلفة ليشمل الخير أكبر عدد ممكن من الاسر المتعففة.
إن لم تقدر على فعل ذلك فانشر الفكرة لعل قارئاً يتبعها . وتذكر: كان الله في عون العبد ما كان العبد في عون أخيه .
(الدستور)