العقبة : "عهد الخوف ولى وراح ... لازم الـفـاسـد يـنـزاح"

جو 24 : نظم حراك العقبة عقب صلاة الجمعة وقفة احتجاجية أمام مسجد الشريف الحسين بن علي وقفة احتجاجية تحت شعار ' لا لرفع الأسعار '.

ورفض المشاركون عزم الحكومة على رفع الاسعار، محذرين من المساس بقوت المواطنين و أرزاقهم ، و منددين بما تقوم به الحكومة من إجراءات تصفها بالتقشفية.

الناشط في حراك العقبة الشعبي خالد مرسي أكد بدوره على حق الشعب الأردني في حياة كريمة ، خالية من الفساد و المحسوبية ، و قد أبدى السخرية مما وصفها بمسرحيات التبرع للحكومة ، وكيف أن الحكومات تأخذ من المواطنين بالملايين ،ثم تعطي ببعض الآلاف ، داعيا جميع فئات الشعب لرفض السياسات الحكومية التي ستؤدي بالأردن لمزيد من المديونية ، و ستزيد من مستوى الفقر و البطالة على عكس ما تدعي الحكومة و مسؤولوها .

و قد ردد المشاركون هتافات ، كان منها :

سمعلي المخابرات ... ابن الاردن لا ما مات
طاق طاق طاقية .. سرقونا الحرامية
الشعب يريد اسقاط الفساد
شعب الاردن ولع نار ... ما بدوا رفعة اسعار ... ما في فقر في افقار ..
يا حرية هلي هلي .. خلي عدو الشعب يولي
القصة هي هي ... هيكلية شكلية
من حوران للجفر ... كلنا ضد الفقر
مكشوفة كل اللعبة ... يعلنها ابن العقبة
بدنا نحاسب كل خوان ... و الفاسد مالو مكان
سمع سكان الرابع ... رايح أصلح مش راجع
أسعارك تعلى تعلى ... و الفاسد جيبه تملى
كلها حيتان و فاسدين ... عالشعب رفعوا البنزين
يا الله يا رحمن ... وصل صوتي لرغدان ... قوله الشعب مش رضيان
يا الله يا لطيف ... رئيس الوزرا حرّيف ... بعمل وصفة للتنحيف
يا نايم عن حقوقك ... ما كانت هيك جدودك
بدل الحكومة عنا ثلاثة ... على ظهر الشعب تحرث حراثة
هذا الحال ما بدوم ... لما باقي الشعب يقوم
ضد الفقر و ضد الجوع ... و هي أسباب الركوع
إحنا و الأمن و الجيش ... بتجمعنا لقمة العيش
ارفع ارفع بالأسعار ... و خلي هالراتب ينهار
و الأسعار زي النار ... و ما معنا ولا دينار
ما رح نهدى ولا نرتاح ... ومطلبنا هو الإصلاح
عهد الخوف ولى وراح ... لازم الـفـاسـد يـنـزاح
عهد الخوف ولى وراح ... لازم الـظـالم يـنــزاح

مطالـبـنـا شرعية ... خبز وعدل وحرية
ورفع القبضة الأمنية ... وعدالة اجتمــــاعية
ورفع القبضة الأمنية ... والدولـــة المدنـيـــة
شعب الأردن اصحى و قوم ... و اطلب حقك المهضوم
ياللعار ياللعار ... باعوا الأردن بالدولار
ياللعار ياللعار ... الحكومة ترفع أسعار
نرجع نكرر و نعيد ... إحنا أحرار مش عبيد
هذا الأردن أردنا ... و الفاسد يرحل عنا
الإصلاح السياسي ... هو الحل الأساسي
هات يا هالشعب هات ... و الشعب مصدر سلطات