حوارة: يا زريف الطول يلعن هالعيشة.. بعتوا الاراضي مع غاز الريشة

نفذ العشرات من اهالي حوارة اعتصاما على اشارة حوارة الضوئية طالبوا فيه تقديم الخدمات و تحسينها للقرية؛ و ذلك بعد تردي الخدمات المقدمة من البلدية ومديرية اشغال اربد وانقطاع المياه عن الكثير من اهالي القرية.


و ردد المشاركون اهزوجة حوارة:
يا زريف الطول يـا اهل حوارة .. احـنا معـتـصمـين على الاشـارة
يا زريف الطول ويـن المـدارس .. اهــل حــوارة كـلـهـم فـوارس
يا زريف الطول بـكـل الـمـواقـع .. لا عنا مــيـة ولا شــوارع
يا زريف الطول مـن واد لـواد .. اطـلع بـرا الـدار يا راعي الفساد
يا زريف الطول يـا ابـن السلية .. طـلـعـتـلـك حـوارة مـع الـطـفيلة
يا زريف الطول يلعـن هـالعيـشة .. بعـتوا الاراضـي مـع غـاز الريشة
يا زريف الطول وحـيـد عـنـنا .. ...... ماهم مننـا
يا زريف الطول واطلع عـالجفور .. مـا بـدنا عـربة ولا بـدنا بـلـفـور
يا زريف الطول واسمع الجـواب.. ما بـدنا الحكومة ولا مـجلس نواب
يا زريف الطول ورفعـت البنزين .. وحمـيت الكردي مع مجدي الياسين
يا زريف الطول وحـدلي صـفك .. سكرِ الاشـارة وحـمـيلـي كـفـك
يا زريف الطول مصاري المسكين .. مع خالد شاهين
يا زريف الطول رفعوا سعر المية .. مـصاري الاردن مـع الـحـرامـية
يا زريف الطول اوعـى الـكرسي .. اسعـار الـبنزين اغـلى من الببسي
يا زريف الطول اراضـي جـدي .. سرقها عوض الله ولا تنسى الكردي
يا زريف الطول ورايـح ع الحـجاز .. بـتـراجد عالناس وبيتك مـن قزاز


و هتف المشاركون:
"متعبناش متعبناش .. الحريه مش ببلاش"
تـحـيـة تـحـيــة .. لـحـوارة الابـيـة
ثـورتنـا ثـورة شـعبـيـة .. ضـد الفـاسد والحرامية
مـطالـبـنـا شـرعـيـة .. دواء وخـدمـات ومية
مـن حــوران للـجـفـر ..اسـمع صـوت الحرية
من حـوارة علي الـصـوت . حـوارة بـدها مـيـة
ويـن حـقي وحـق اولادي .. سـرقـوها الحـرامية
حــوارة بـدها خدمـات .. افـزعوا يا اهل الحمية
حــوارة يـا دار الـعـز .. حـقـهـا عـليك وعلية
يـا مـديـر الاشـغـال ويـن .. مصاري البنية التحتية
يـا وزيـر الـصحـة عيب .. حـوارة ما فيها ادوية
يـا مـحافـظ انت ابتعرف .. مـشـيـنا بطرق رسمية
يـا محـافـظ اسـمع اسمـع . مـا لـيـنا عـلى الرديـة
هاي بلادي فيها احرار .. تحرق كل فاسد غدار
هاي حوارة حره حره .. ما في عنا خطوط حمرا
ما بدك وطن بديل .. ليش بتدعم اسرائيل
سجل سجل يا زمان .. طراونه باع الاوطان
يا طراونة شو هل العيشه .. ليش اهديتو غاز الريشه
قرب يثور البارود .. على الفاسد و النمرود


و كان الأهالي في حوارة نفذوا سلسلة من الاعتصامات للمطالبة بتحسين واقع الخدمات في القرية قبل أن يلتقوا المحافظ قبل اسبوعين و يعدهم بتلبية مطالبهم، لتنتهي المهلة دون أن يلاحظ الأهالي أي تحسن على الخدمات.