هالويين.. طفيلي!!

جو 24 : "واو" اليوم "الهالويين دي" ، "الشلة" عبر" التويتر والفيس بوك" تناقلوا خبر هذا اليوم السعيد فرحا ، " يعقوب " والذي " يدلع " بأسم " جاكوب " اتفق مع صديقاته وأصدقائه من " الشلة " للاحتفال بهذا اليوم العظيم ، والسؤال القوي الذي طرحه " جاكوب " هو " بلييز صبايا ..شباب شو راح نلبس ..شو كمان برأيكم راح نعمل الليلة في عمان ..؟ بس لا تنسوا انه كمان
يومين في "زكرى" وعد بلفور ...ونحنا لانه عنا شرف ونبل الشعور بهالقزية لازم نعمل شي مشرف لامتنا الغربية ...عفوا أصدي العربية ..، وأي نعم إحنا ما إلنا كعباد للشياطين علائة في الإسلام والمسيحية بس راح تكون لألنا فرصة لنموه حالنا بين العالم ونصلي لشياطينا صلاة أوية ...!!!
كتبت وغردت " سوزان " والمعروفة باسم "سوزي" بسرعة البرق وعلقت بحماسة الأبطال " واو بالنسبة لألي راح ألبس " تنورة " لونها أسود لنعبر عن حزنا في هذا اليوم الأسود وراح أخليها أصيرة كثير كثير لحتى أرئص رئص يهز جبالك يا بريطانيا ...!!!
دخل على التعليق " رامي " والمعروف باسم " رومي " مغردا هو الآخر " بالنسبة لألي راح ألبس سناسيل جنازير كثير على رئبتي وفرصة أستعير بسناسيل كلبنا " بوبي " لأنهم كبار ههههههه لحتى اورجيهم هالصهيونية إزا ما كان عنا سلاح مئاومة عنا جنازير شعبية" ....!!!!
" هاي شباب " صاح عماد والمعروف باسم " دودي " كاتبا " واو جريت ...انا راح ألبس إناع شيطاني على وشي لونه كمان أسود ...لحتى هالإسرائيلية لما يشوفوني يناموا مرتعبين ..!!!
ولينهي " جاكوب " الحوار كتب " اوكي شباب موعدنا الليلة الوحدة الصبح في هوتيل نجوم المسا ..بلييز ما تتأخروا "...!!!!
تلاقى أبطال القضية على الموعد وما إن أطفأت أنوار المرقص بالفندق وبدأت موسيقى " الدي جي " الراقصة أختلط الحابل بالنابل رقصا وطربا وفي اللحظة التي شربوا فيها كؤوس المشروبات الروحية صاح " جاكوب " من أول كاس شربه " بالشلة " قائلا " بلييز شباب انسوا وانبسطوا بلا أدية بلا وجع ألب انبسطوا ..أرئسوا ...آل أدية ...اهلين أدية ...عاش الشياطين ...وماتت امتنا العربية .
في هذه اللحظة نهض " ربحي " الطفيلي من نومه وحلمه السابق مفزوعا على أيدي والدته توقظه لآذان صلاة الفجر مستعيذا -بالله من الشيطان الرجيم – وما إن استيقظ حتى قالت له امه " يا وليدي قوم توضى وصلي ...ولا تنسى تدعي في صلاتك ربنا ينصر إخوانا العرب المظلومين الفلسطينية والسورية ...." قالها " آمين يما ...ويا رب لا تؤاخذنا بما فعل عبدة الشياطين في الهالويين انا أشهد يا رب الإسلام براء منهم وكل الرسالات السماوية .." ...!!!