تظاهرة "الفيسبوك": بطاقة ذكية.. حرية.. عدالة اجتماعية
![تظاهرة الفيسبوك: بطاقة ذكية.. حرية.. عدالة اجتماعية](https://jo24.net/assets/2015/2015-041/images/12c0dcddaf2f28cdbfad26f683844903.jpg)
احتل موضوع رفع الدعم عن الخبز واصدار بطاقة ذكية للمواطنين بذريعة "ايقاف الهدر في الطحين وتوجيه الدعم لمستحقيه"، مساحة كبيرة عبر موقع التواصل الاجتماعي "الفيسبوك" لتطغى السخرية على واقع مأساوي لا يبشر سوى بمزيد من الفقر والبطالة والجريمة.
ولم يجد مشتركون وناشطون عبر مواقع التواصل الاجتماعي سبيلا إلا التندّر برفع اسعار الخبز و "الخارقين" القائمين على فكرة البطاقة "الذكية"، التي رسموا لها صورة في مخيلتهم وأطلقوا عليها عوان "بطاقة اخبز".
ارتفاع سعر الخبز من 16 قرشا الى 38 قرشا للكيلو، جعل كثيرين يقترحون حلا بالاستعاضة عن الخبز بالبسكويت!!
ومن العبارات المتناقلة عبر مشتركي التواصل الاجتماعي:
"بطاقة ذكية، حرية، عدالة اجتماعية"
"لا خبز و لا حرية و لا عدالة اجتماعية بس فيه امن و امان"
"بمناسبة الارتفاع القادم في اسعار الخبز ، شباب اقترحولي انواع بسكويت مناسبة ب 38 قرش".
"رح يصير الشباب يسألوا بعض انت تجوزت قبل ما يصير الخبز ٣٨ قرش والا بعد؟!"
"بعد رفع اسعار الخبز الشباب الي كانوا يدور ع عروس بتشتغل عشان تحمل عبء الحياة معهم، بصيرو يدورو ع عروس ابتعرف تخبز"
"أحن لخبز حكومتي!"
"أبوي وصاني بس أرجع من السفر أجيبلو معاي من الحرة كروزين دخان و3 كيلو خبز "
"يا خبزي انا كلي حيرة ونار وشوق اليك"
"اعطني حصتي من الخبز اطلق يديا"
الخبز ٣٨ قرش؟َ ... أنا سأشتري الكوكيز"
"مين بقدر يدرس تأثير رفعة الخبز على سعر صحن الأم علي؟!"
"اذا خبر الخبز والدعم السنوي 19 دينار جد النسور وصل لاهانة الجميع..ببساطه الشعب الاردني من عشاق الخبز..الاردن اسواقها هي حلاق ومحل موبايلات وصيدليه ومخبز اذا راح يضل يقدر احتياجاتنا بهيك ارقام معناه يا انه عارف تسعيرة الشعب يا بقصد الاهانه يا انه بخلط مي وزيت براسه..يعني الواحد بطل عارف شو يرد على قرارته الخارقه لمنهج الطبيعه وعقول الاردنيه! والله عيب!!
"انا بوعدك يا نسور رح اكل شعير بس امانه لا تضايق حالك واذا ما لقيت شعير بوعدك لارعى الحشيش".
"كيف باتصحّي واحد مغمى عليه؟.. برغيف سخن"
"نسوان الحصيدة راحن من وين نجيب نسوان تخبز؟!"
"بطاقتك كم رغيف ضايل فيها؟!"
"حولي كم رغيف بنوبك اجر وثواب"
"اللي جاي على عزومة يجيب بطاقته معه"
"اللي رح يتقدم لعروس رح يسألها: كم رغيف بتوكلي"
"رصيد بطاقتك منتهي الرجاء مراجعة المخبز شكرا"