يا زريف الطول: إلى روح البطل ماهر الجازي
كمال ميرزا
جو 24 :
يا زريف الطول ونازل عل معبر
والحُور يهاهِن.. اللهُ أكبر
والقدس تنادي.. هالشب الأسمر
يا ابن الجازي.. هاظا ابننا
يا زريف الطول وشوفر يا شوفير
وصقر بالسما.. وعل عِدا يغير
ويا ربع الجازي يا ربع النفير
انتم عِزّ الناس.. وعزوة لنا
يا زريف الطول ومشهور خَويّو
ويمّة هالعريس وين ألقى زيّو
وقالولي البطل.. قلتلهم هيّو
عمّر الباغة.. وعبر يمّنا
يا زريف الطول وقالولي حويطي
يا مَقْوى ظهري.. ويا مَعْلى حيطي
ويا ساح الوغى برصاصِك زيطي
يوم النشامى فزعة تيجينا
يا زريف الطول ويا ثُلث الثلاث
ويا ربّي العالي ويا ربّي الغيّاث
ومن وادي اليُتُم.. لوادي البحّاث
شعبَك يا الأردن همه جندنا
يا زريف الطول وكوبس يا كابوس
يا شعب الأردن يا حرّ النفوس
والخايس لن باع بمنصب وفلوس
يبقى الحرّ حرّ ما يرضى الخنا
يا زريف الطول ويا عِزّ اخواني
ماهر ابن القدس.. والأصل معاني
لا همه أول.. ولا إحنا ثاني
تخسا يال بلفور تشتت شملنا
كلمات دلالية :
تابعو الأردن 24 على 
