مسيرة ليلية بسحاب: يا نظام طفح الكيل قلب الشعب شايل شيل "فيديو"

نظمت حركة شباب سحاب مسيرة ليلية انطلقت من مسجد سحاب الكبير تحت شعار خبز حرية عدالة اجتماعية بعد تأجيل للمسيرة المقررة بعد صلاة الجمعة بسبب حالة وفاة.

وخرج من الهتافات في المسيرة:

الله اكبر ع الفاسد ... الله اكبر ع الخاين
يانظام جد الجد طفح الكيل وزاد الحد
يا نظام ارتاح ارتاح ماانت ناوي ع الإصلاح
ليش ترفع بالأسعار خاف الله يا مختار
ليش ترفع بالتسعين حاسبلي ال الياسين
قولو الله وعلو الصوت ..احرار ومنهاب الموت
يا نظام طفح الكيل قلب الشعب شايل شيل
ويلي واقف ع الرصيف ... بكرة تعتاز الرغيف
يا احرار وصلوا الكلمة للسمسار.. يا احرار ما رح نسكت مهما صار ما رح نهدى لو بنموت الا تنفضح هالحوت
النظام بيد مين .. تجار ومطبعين
ويلي ترفع بالأسعار ... جيب اللي سرق الدار
لا مكارم ولا هبات ... حرية حتى الممات
اجمع اجمع ملايين بعرق الفقرا والمساكين
هون واربط بالشارع ... وكهربا ماني دافع
هون والي يصير يصير ... ما رح ندفع فواتير
ارفع خبز مع بنزين وبري عوض الله وشاهين
حرامية بالأساس ...نظام تجويع الناس
شعب الاردن يا صنديد ما نرضى عيش العبيد
يا اردن بكفينا والله سكوت ... يا اردن بكرامة خلينا نموت

وتم في نهاية المسيرة القاء كلمات وختامها بجوفية شباب سحاب:

حراك يقول نريدّة يا اردن غالي عليا
اول ما نبدا بالبادي صلوا ع خير البرية
اضرب الكف خله يلتف يا ربعي ردوا عليا
عزّيز عيني يا اردن عزيز وغالي عليا
عزيز عيني يا اردن والله كلوك الحرمية
نجوا الفساد دعموا الفساد ما حلوا ولا قضية
راحت سنة واجت سنة ما اسمعنا حكم قضية
مجلس نواب قلب خرفان والعلف منا هدية
زاد الفساد راحت البلاد تحت الرعاية الرسمية
سرقوا الفوسفات باعوا البوتاس باعوا الكهربا والمية
شحدة وتشحيد ما احنا عبيد حنا طلاب الحرية
خلوا الشعب يحكم حالوا ملينا دور الرعية
فقر وطفر سرقة ونهب يا اردن احلى تحية
محدن سامع ما حدا فاهم ترجم بلكي فهموا شوية
اسرق انهب مجدي وراسخ ما انتوا من عيلة محمية
قرب دورك باسم قرب حظرلي اخو النشمية
سهل وكردي اكرم حمدان شلعك ما يصعب عليا
لو طول الليل وجرهد لا احطك تحت رجليا
هدد احبس جيش حرض فلتخسى القبضة الامنية
فسادك في عالي راسك حاميها هما الحرمية
حكم النسوان جننا جنان ضاعت البلاد والهوية
يرحم وصفي يرحم هزاع هبة نيسان الابية
هذا الشعب ايد وحدة وحدتنا وجدة وطنية
من النهر حتى البحر فلسطين حرة عربية
انا بقول والكل يقول يا اردن غالي عليا

شاهد الفيديو.....