"مسائية حي الطفايلة" :مطالبنا ما الها حد بدنا نهد الظالم هد

نفذ حراك حي الطفايلة مسيرة ليلية حاشدة انطلقت مساء الثلاثاء من أمام مسجد البقاعي في جبل التاج إلى مسجد الشهيد تحت شعار " لن ندفع فواتير فسادكم، وبحضور مئات المواطنين.

وقال الناطق الاعلامي باسم حراك حي الطفايلة لـJO24 إن المسيرة تأتي احتجاجا على رفع الاسعار، والتطاول على جيوب المواطنين بدلا من أن تطال اياديهم الفاسدين الذين نهبوا مقدرات البلاد ولم يرقبوا فينا وفي وطننا "إلا ولا ذمة".

وشهدت المسيرة هتافات جديدة ذات سقف مرتفع، وعلى طريقة الأهازيج الوطنية .

وهتف المشاركون :
اهتف علي صوت الحق ما بدنا الحكم المطلق
والاردن والله انسرق باعوا .... مفرق
مطالبنا ما الها حد بدنا نهد الظالم هد
وبدنا نهد الفاسد هد اسمع ركز شوف الرد
حكم الشعب يسترد
والي ببيعك اردنا نخلي عظامه تتطقطق
خط احمر اردنا وشرط وما حد يتجاوز هلخط
وبتتستر على الفساد بعت ودمرت البلاد
خنت الشعب والأوطان وبتحمي كل فاسد خوان
وبعد ما استلم هل عرش حش الأردن والله حش
سجل سجل يا زمان ..... باع الاوطان
احلف بالخالق الله غير نحاسب .......
احلف بالخالق الله غير نحاسب عوض الله
والثورة لا ما تهدي غير نجيبك يا مجدي
والثورة لا ما تهدي غير ...يا الكردي
والحرية بتلالي وبعده سهل المجالي
شعب الأردن يلا ثور علا الراسخ و أبو حمور
شعب الاردن يلا ثور بدنا نغير الدستور
اسمع اسمع يا مختار واوعك ترفع الاسعار ورح تحرق ايدك بالنار.
يا .... ليش بترفع بالبنزين وتعبي الجيبه بالملايين
يا .... شو الي صار ليش بترفع السولار بتعبي الجيب بالدولار