حوار افتراضي على مستوى عالي لتغيير الحكومة

(الخميس) اتصل معي الصديقين بادي الرفايعة و الدكتور حامد العايد عند الساعة الرابعة ، و الرابعة و عشرين دقيقة عى التوالي بخصوص امور مشتركة و عرجنا في الاتصال على موضوع استقالة الحكومة و قلت لهم اتوقع قدوم فايز الطراونة رئيسا للوزراء - و كان بهذا الوقت لم يعلن عن اسم الطراونة بل لم يتثبت بعد استقالة حكومة الخصاونة - و طرحت هذا الاسم لاني افهم تماما طريقة تفكير الدولة ، و لانني افهم طريقة تفكيرها ساطرح لكم السيناريو التالي عن تغيير الحكومة

حوار افتراضي على مستوى عال لتغيير الحكومة .
الشخص الاول : - سيدي لازم نبدل الخصاونة مش معقول يضله يحاول يدخل على شغلنا و يدير الحكومة و يقرر عنا على الرغم اننا قمعناه عدة مرات و الان دوره انتهى و امتص غضب الشارع شوي و الوقت مناسب لاعادة قبضتنا و نجيب زلمنا و بنقطع وقت جديد بحكومة جديدة من هون ليبرد الربيع العربي

الشخص الثاني :- كيف ممكن نطيح بالخصاونة ؟
الشخص الاول : - سيدي سهل هوه مستحيل يقبل على حاله ان تاخذ قرارات من دون مشاورته احسن شي بنخالف تنسيباته لفض الدورة العادية لمجلس النواب و بنعمل على تمديدها و بنجيب وزرائه بغيابه يوقعوا على الارادة الملكية بالتمديد ،و هوه مستحيل يسكت و سيستقيل و هيك بنخلص منه و ايضا بنطلع نحنا ابطال الاصلاح و انه نحنا مستعجلين على قانون الانتخابات الي بطالب فيه الشعب و عشان هيك مددنا الدورة الانتخابية بعكس راي الخصاونة بتاجيلها

الشخص الثاني :- بس هذا السيناريو يا ابني بعجل قانون الانتخابات فعلا .


الشخص الاول :- لا سيدي هلأ من هون لتيجي الحكومة و تاخد الثقة بكون مضى اكثر من الشهر الي طلبه الخصاونة للبدء في الدورة الاستثنائية ، علاوة على انه بهذه الحكومة بنهدي الناس شوي و نكسب وقت اضافي و بنخلي كتابنا يكتبوا كم مقال عن اعطاء مهلة المئة يوم للحكومة حتى نبلش نحاسبها حسب العرف المتبع
الشخص الثاني :- طيب مين رايك نجيب بداله ؟
الشخص الاول : سيدي انسب واحد الطراونة مجرب و برد علينا و اليهود ما بعترضوا عليه خاصة انه قدامنا استحقاقات سياسية جديدة مع اليهود و السلطة خاصة بعد زيارة شبابنا للقدس و اذا ارسلنا الطراونة لبروكسل مع الوفد الرسمي بنعرف عن قرب اذا كان مغير شي من فكرة و لا لساته زي ما بدنا بمشي
الشخص الثاني :- بدي اشاور و لكن اظن على بركة الله و متى ساعة التنفيذ ؟؟
الشخص الاول :- سيدي ليلة الاربعاء على الخميس من نهاية شهر نيسان (موعد فض الدورة العادية ) بنجيب الوزيرين يوقعوا على الارادة الملكية بتمديد الدورة النيابية العادية و بتبلش القصه.