بالمشرمح..

#حلقة 1.. #الاردن اليوم

في كل دول العالم يدفع المواطن الضرائب عادي مش مشكلة هذا واحب وطني ، في سيدة العالم أمريكا وفي قانونية العالم بريطانيا برضه بدفع المواطن ضرائب وفي فرنسا وبلجيكا بدفع الفرد ضرائب وغيره لصندوق الدولة ، لكن مقابل الدفع فيه خدمة متميزة اذا مرض بلاقي سرير مش بنذل جتى يحصل ع اعفاء طبي وياريت الكل يطلعله اعفاء وبكون خادم الدولة 30 سنة، سندله تقطع هو رايح وجاي ع الوظيفة، هاي كمان بدها واسطة وذل حتى يتحصل على اعفاء، ما بدنا نحكي بالخدمات الثانية لانه الواحد راسه بصير يوجعه من كثر الالم، لا شوارع ولا بنية تحتية لا ارصفة مشاة لا مدارس حكومية لا تعليم وصفوف ولا أدوية ولا علاجات وفي اكبر مستشفياتنا اللي كنا نفتخر فيها ونرفع لها القبعة، كمان المسكين الغلبان بدفع بدل مسقفات وكمان بتدفع ضريبة ابنية وبدل تطويب شقة وحتى لما ببيع الشقة بتدفع الالاف الدنانير، وتدفع للامانة والبلدية بدل فتح شارع إنارة وغيره وهيهات يفتحولك شارع، وبدخل الاردن واسطة وما بتحصل شي، بالعربي والانجليزي والفلاحي والبدوي. حقك ماكلينه ومستحيل تحصل ع قرش من حقك رغم انك دافع ضريبة وملتزم وما عندك تهرب ضريبي ، طبعا مسكين ما في غير الموظف يركبونه بهذا الشي وغيرهم اصحاب الشركات والملايين بقدموا سندات وهمية وما بدفعوا،،، فيه اشياء كثيرة بالبلد لما تفكر فيها بتتاكد انها بلطجة، ضرائب، ترخيص سيارات ومخالفات.. الخ الخ ع فكرة في معظم دول العالم والأشد فقرا ما في دفع لترخيص السيارة الا هنا فقد سجلنا براءة اختراع في انهاك الناس حتى كلها مصابة بالضغط والسكري،، عندك مثلا مصر، سوريا، العراق اليمن ليبيا وغيره ما في مثل هذه الأمور رغم معاناة هذه الدول من الأزمات والحروب ،،، ما في الا في الاردن، لويش نستغرب 90 بالمية من موازنة الدولة من جيب المواطن. وبتقلي تقدم واستراتيجيات وتعين سفراء ووقيادات وتنفيع ومكاتب ومكاسب وبهرجة وترف وبذخ والناس مش ملاقية لقمة توكلها، والمشكلة بوهموا العالم انهم بشتغلوا وماشين بسياسة التطوير والتغير ًوطبعا كله مضيعة للوقت وهروب للامام. وزي اللي برقص بالعتمة واللي بضحك علي حاله وزي اللي بكذب كذبه وبصدقها وهذا حالنا بهالبلد لس عايشين بكذبة لمتى بتوقع الناس رح تصحى من النوم وتشوف شو بصير حواليها..ليش التعليم مش مجاني ليش اسعار المحروقات نار والكهرباء والمياه،،، نفس اشوف أردني مش مديون لراسه للبنك.. بنولد مدبون وبموت من القهر مديون...رواتب متدنية مقابل تضخم اكل الأخضر واليابس وزي ماهي من 20 سنة لما كان دين الاردن 11 مليار وصار الان 35 مليار وبطالة وفقر.. لا حولا ولا قوة الا بالله العلي العظيم.... بكفي هون للمرة الجاية بنكمل... وللحديث بقية