التعديل و الفرحه
د. فاضل الزعبي
جو 24 : ابو فهمي بيشرب فنجان قهوته مع صحابو في قهوة زهران في راس العين و بيتفرج بشغف واهتمام على خبر التعديل المنقول على التلفزيون.
ما ان انتهى التلفزيون من نقل خبر التعديل في تمام الساعه الثامنه والربع مساء، حتى هرول ابو فهمي -صديق ابو يوسف رحمه الله- الى محلات حبيبه و اشترى كيلو ونص كنافه لتحلية العيله ابتهاجا وفرحا بالتعديل، وحلف وهو داخل عالبيت انو هاي كل اللي معه والا كان ناوي يشتري شويه العاب ناريه ومفرقعات للاحتفال, حيث انه ضد اطلاق العيارات الناريه للابتهاج والفرح والنجاح في التوجيهي. وكمان ما عندو فرد حتى يطخ فيه.
ام فهمي استغربت من زوجها هالحركه اللي عملها، وهو اليوم ما جاب معو ربطتين الخبز اللي متعودين كل يوم المسا يستلموهم من ابو فهمي. ليش ربطتين و خبز بس؟ ميشان يحلف دايما انو رغيف العيش ما بينقطع من بيتو.
يا ام فهمي اليوم والحمد لله انا مستبشر خير وأملي في الدنيا والمستقبل الحلو كبر، و صدقيني انو بطلت انتحر بعد ما شفت التعديل. و بطلت أهاجر ومن بكرا رايح عالسفاره الكنديه ميشان الغي طلب الهجره. و خلي فهمي يسحب طلبو من السفاره الاستراليه الو و لعيلته.
شو هاظ؟ هاظ مش تعديل ابدا، هاظا بيسموه تغيير للاحسن..
ما شاء الله وزرا من العيار الثقيل يعني ثقاله.
خبراء اقتصاد و خبراء أزمات وخبراء محاربة جفاف وخبراء الامن الغذائي.
وأسكتي يا ام فهمي؛ كمان خبراء في التعليم والصحه ومحاربة البطاله ومحاربة الفقر واختصاص في استراتيجيات خلق فرص عمل وزيادة دخل المواطن.
وسجل حافل في الانجازات وحل المشاكل. الله اعلم وين؟ بس في سجل وتاريخ زي هيك.
بعدين تشكيلة قوس قزح يعني فيها كل الالوان، كل ألوان الطيف الاجتماعي والسياسي والاقتصادي والطائفي والتمييز النوعي. ما شفتو لون البدلات حتى نصف المجتمع موجود ثلاث وزيرات معتبرات. بس اكنو ما شفت ولا لحيه فيهم. ما بعرف يمكن فاتتني هاي.
وزرا جداد رح تشوفي شو راح يعملوا ووزرا قدام تاريخهم حلو وسجلهم بيضوي وبيلمع.
الله الله. تشكيله معتبره وريحتها حلوه وفايحه من هسه.
راح تنتشل البلد وترفع كل ايشي الا الاسعار.
رح ترفع مستوى المعيشه والدخل.
رح ترفع مستوى الاجور والكرامه الوطنيه.
رح ترفع ايدها من جيبتك وجيبتي.
وما بدي حدا ينسى انو فوق كل هالخبرات، الولاء والانتماء والديمقراطيه بتنقط من عيونهم وما شاء الله منظرهم بيفرح القلب.. بدلات لايقه وحلوه بتعكس شو احنا دوله راقيه ومفتخره وشكلنا قدام العالم نظيف و مرتب.. يعني صدقيني يا ام فهمي ما ناقصهم الا شوية عرايس والله شكلهم كلهم احلى من العرسان يوم الخطبه.
شوفي والله منظرهم بيطمن. حكومه رشيقه. ما في كروش، طولهم مناسب، لا هم لعيبة سله ولا اقزام وقصار زي محمد هنيدي و ميسي... اشي معتبر واحنا شو بدنا اكثر من هيك. الله يوفقهم يا رب ويعينهم.
ابو فهمي طلب من ام فهمي كاسة شاي ثقيله و قعد عالتلفزيون يتابع قناة محليه خاصة ما بدي اقول اسمها حتى لا تكون دعايه الها. بتهتم بقلب و نبض البلد و عامله برنامج حول التعديل.
بس ما عجب ابو فهمي تعليقات بعض المشتركين زي في واحد بيقول؛
" مش مطلوب منهم ايشي الله يعين البلد" و غيروا بيعلق و بيكتب:
"نفسي ارى وزير ذو بشره سمراء في البلد". هاي ما عجبتني شو احنا كاينين في الصومال. ايه هاي الاردن، مليح اللي ما جابو عيون زرق و خظر.
و واحد بيقول ما استشار النواب و مش عارف شو من هالكلام الفاظي.
لأ لأ. بطلو هالعاده و بطلو هالنظره السوداويه. احنا بخير و ماشين صح.
اعطوهم فرصه او ثنتين او عشرة. يعني راح يعرفو حتى لو كانو ما بيعرفو.
طقت مرارة ام فهمي من هالمسخره اللي عاملها ابو فهمي و صاحت من المطبخ:
ولك بس عاد يا ابو فهمي. و الله رحمة ابو يوسف لو بعدو عايش كان زعل منك.
و لك والله نفس الشي، ما انته شايف ابو لطفي قاعد و مبرطع و بيمشي و هو مييل راسو عالشمال.
ميشان الله خذ كنافتك و حل عنا. يا بروح عند اهلي و بحلف و راس جدي ما برجعلك الا لما يحل عنا ابو لطفي.
ما ان انتهى التلفزيون من نقل خبر التعديل في تمام الساعه الثامنه والربع مساء، حتى هرول ابو فهمي -صديق ابو يوسف رحمه الله- الى محلات حبيبه و اشترى كيلو ونص كنافه لتحلية العيله ابتهاجا وفرحا بالتعديل، وحلف وهو داخل عالبيت انو هاي كل اللي معه والا كان ناوي يشتري شويه العاب ناريه ومفرقعات للاحتفال, حيث انه ضد اطلاق العيارات الناريه للابتهاج والفرح والنجاح في التوجيهي. وكمان ما عندو فرد حتى يطخ فيه.
ام فهمي استغربت من زوجها هالحركه اللي عملها، وهو اليوم ما جاب معو ربطتين الخبز اللي متعودين كل يوم المسا يستلموهم من ابو فهمي. ليش ربطتين و خبز بس؟ ميشان يحلف دايما انو رغيف العيش ما بينقطع من بيتو.
يا ام فهمي اليوم والحمد لله انا مستبشر خير وأملي في الدنيا والمستقبل الحلو كبر، و صدقيني انو بطلت انتحر بعد ما شفت التعديل. و بطلت أهاجر ومن بكرا رايح عالسفاره الكنديه ميشان الغي طلب الهجره. و خلي فهمي يسحب طلبو من السفاره الاستراليه الو و لعيلته.
شو هاظ؟ هاظ مش تعديل ابدا، هاظا بيسموه تغيير للاحسن..
ما شاء الله وزرا من العيار الثقيل يعني ثقاله.
خبراء اقتصاد و خبراء أزمات وخبراء محاربة جفاف وخبراء الامن الغذائي.
وأسكتي يا ام فهمي؛ كمان خبراء في التعليم والصحه ومحاربة البطاله ومحاربة الفقر واختصاص في استراتيجيات خلق فرص عمل وزيادة دخل المواطن.
وسجل حافل في الانجازات وحل المشاكل. الله اعلم وين؟ بس في سجل وتاريخ زي هيك.
بعدين تشكيلة قوس قزح يعني فيها كل الالوان، كل ألوان الطيف الاجتماعي والسياسي والاقتصادي والطائفي والتمييز النوعي. ما شفتو لون البدلات حتى نصف المجتمع موجود ثلاث وزيرات معتبرات. بس اكنو ما شفت ولا لحيه فيهم. ما بعرف يمكن فاتتني هاي.
وزرا جداد رح تشوفي شو راح يعملوا ووزرا قدام تاريخهم حلو وسجلهم بيضوي وبيلمع.
الله الله. تشكيله معتبره وريحتها حلوه وفايحه من هسه.
راح تنتشل البلد وترفع كل ايشي الا الاسعار.
رح ترفع مستوى المعيشه والدخل.
رح ترفع مستوى الاجور والكرامه الوطنيه.
رح ترفع ايدها من جيبتك وجيبتي.
وما بدي حدا ينسى انو فوق كل هالخبرات، الولاء والانتماء والديمقراطيه بتنقط من عيونهم وما شاء الله منظرهم بيفرح القلب.. بدلات لايقه وحلوه بتعكس شو احنا دوله راقيه ومفتخره وشكلنا قدام العالم نظيف و مرتب.. يعني صدقيني يا ام فهمي ما ناقصهم الا شوية عرايس والله شكلهم كلهم احلى من العرسان يوم الخطبه.
شوفي والله منظرهم بيطمن. حكومه رشيقه. ما في كروش، طولهم مناسب، لا هم لعيبة سله ولا اقزام وقصار زي محمد هنيدي و ميسي... اشي معتبر واحنا شو بدنا اكثر من هيك. الله يوفقهم يا رب ويعينهم.
ابو فهمي طلب من ام فهمي كاسة شاي ثقيله و قعد عالتلفزيون يتابع قناة محليه خاصة ما بدي اقول اسمها حتى لا تكون دعايه الها. بتهتم بقلب و نبض البلد و عامله برنامج حول التعديل.
بس ما عجب ابو فهمي تعليقات بعض المشتركين زي في واحد بيقول؛
" مش مطلوب منهم ايشي الله يعين البلد" و غيروا بيعلق و بيكتب:
"نفسي ارى وزير ذو بشره سمراء في البلد". هاي ما عجبتني شو احنا كاينين في الصومال. ايه هاي الاردن، مليح اللي ما جابو عيون زرق و خظر.
و واحد بيقول ما استشار النواب و مش عارف شو من هالكلام الفاظي.
لأ لأ. بطلو هالعاده و بطلو هالنظره السوداويه. احنا بخير و ماشين صح.
اعطوهم فرصه او ثنتين او عشرة. يعني راح يعرفو حتى لو كانو ما بيعرفو.
طقت مرارة ام فهمي من هالمسخره اللي عاملها ابو فهمي و صاحت من المطبخ:
ولك بس عاد يا ابو فهمي. و الله رحمة ابو يوسف لو بعدو عايش كان زعل منك.
و لك والله نفس الشي، ما انته شايف ابو لطفي قاعد و مبرطع و بيمشي و هو مييل راسو عالشمال.
ميشان الله خذ كنافتك و حل عنا. يا بروح عند اهلي و بحلف و راس جدي ما برجعلك الا لما يحل عنا ابو لطفي.
تابعو الأردن 24 على 
