نبوسك منين يا قرعة ؟

ابو يوسف كان كل جمعة يحط كم غنمة في البكم ، و يطلع من القريه لسوق الحلال الكبير ميشان يبيعلو كم غنمة حتى يطعمي هالعيال و يربيهم.
وقفته نقطة تفتيش قبل ما يدخل المدينة ، سأل ابو يوسف الشاويش ، من اميت بتفتشو. شو هاي شغله جديده. الشاويش اتنحنح و قالو هاي شغايل المختار الجديد.
سأل الشاويش ابو يوسف : وين رايح بالغنمات؟
يا شاويش زي ما انته عارف ، لسوق الحلال.
و الله يا ابو يوسف غنماتك مربربه و ملانه ما شاء الله. شو بتطعميهاااا
انا يا شاويش داير بالي عليها بطعميها شعير و مرات قمح.
الشاويش صقع ابو يوسف كف. انته ما بتستحي يا ابو يوسف الناس ميتة جوع و المختار بيدفع من جيبته نص حق القمح مشان الناس توكل خبز رخيص و انته بتظيع خير البلد عالغنم. امشي ارجع لقريتك. و طبعا صادر الشاويش الغنمات المخالفة لقانون التموين و برنامج دعم قوت الشعب من ميزانية المختار. الغنمات وين راحو؟ يمكن لدعم المختار.

ابو يوسف في الجمعة اللي بعدها و قفتوه النقطة و كان العريف مناوب.
العريف كيف عالغنمات المربربه و سأل ابو يوسف شو بيطعميها.
ابو يوسف هالمره كان حريص. و الله يا عريف بخليها تطلع حوالين البيت ترعى من هالحشيش و ما تيسر.
صقع العريف ابو يوسف خماسي جامد. يا حرامك يا ابو يوسف ، وين الرفق بالحيوان شو انته كافر. خاف ربك يا رجل. امشي ارجع لقريتك. و طبعا صادر العريف الغنمات اللي صاحبها مضطهدها و مخالف لقانون الرفق بالحيوان و لوضعها في دور رعاية الغنم. الغنمات وين راحو؟ يمكن لدعم المختار.

ابو يوسف في الجمعة اللي بعدها ، و لما وقفته نفس النقطه ، و قبل ما حدا يسأله او يوكلوه كف. قال للشاويش: عمي انا بعطي كل غنمة مصروفها بايدها و هي بتتتصرف.

ابو فهمي بعد ما سمع هالسولافه. قال لابو يوسف.؛ يعني احترنا منين نبوسك يا قرعة.
لا والله و انت الصادق. ابو لطفي منشار طالع واكل و نازل واكل و قاعد واكل.

بدي ارفع و بدك تدفع. رحت يمين بتدفع!!!! شمال بتدفع !!! واقف محلك بتدفع.
احتار ابو يوسف من هالسولافه و ما عرف شو بدو يسوي.
شو ظل يا ابو لطفي بدو رفع .......
حبيبي جريده كامله ما في .. جريده بعشرين صفحه ما في ... جريده من غير صفحات كمان ما في... جريده ما في ... برضه كمان ما في...
طلعو الشباب مسيرة بيصيرو مخربين .... قعدو فيبيوتهم بيصيرو معتصمين معطلين لعجلة الانتاج. .... طلعو عالشغل كمان بيكوني بتحدوا المختار ...
اسمع ابو فهمي فكرك هالمختار اذا راح ... اللي بعده رح يعمل نفس الشي..