أستشيركم في حكايتي مع الألف دينار
كامل النصيرات
ولكم أن تدخلوا إلى صفحتي و أن تروا حجم الردود و التعليقات ..ومنها ستقيسون مدى ثقة الأردنيين بالعمليّة الانتخابية التي تطبّل و تزمّر لها الحكومة و أدواتها العمياء الطرشاء ..!
طبعاً حكايتي مع هذا المرشح حقيقيّة ..طبعاً لا يعلم بالحكاية إلا شهودها و هو ..يعني أنا لا أشهر به الآن ..ولا أبتزه ..ولكنني أذكره مثالاً على المال(القذر ) الذي أراه يدخل في ( تزوير) إرادة الناخبين ..لنحصل على مجلس قادم ؛ بالتأكيد قادم من مكان غير الضمير ..!
غالبية التعليقات تطالبني بابتزاز المرشح و تصرّ على فكرة : إللي نصب عليك ..سينصب علينا بكرة ..! وهو قياس أخلاقيّ صحيح ..ولكنّ هناك من التعليقات التي تحثّك بطريقة ( التعباية) ..يعني ( يهوولك ) ..فانظروا معي إلى التعليقات التالية :
· يزلمه بتكون خاين وعميل ان ما شرشحتو لأنو السكوت عهالشكل مصيبة
· افضحه ولا تهتم وحقك لازم يرجعلك
· صير زلمه وحصل حقكك
· لا تصوتله والساكت عن الحق شيطان اخرس خد ح حقك منه
· كيف يمكنك ان تطالب بحق غيرك اذا لم تنتصر لنفسك بالمطالبة بحقك ..دونما فضائح بل بارسال انذار عدلي سريع
· والله لو انا مكانك الا اطلبهم لانو اليوم فرصه تحصلهم انا اعملتها مع مرشح بالدائره الرابعه
· ستكون آثم اذا ماقلت مين هو لأنه من الممكن ان يصل الى القبه وعندها سينصب على الوطن وستكون شريك بالجريمه مع احترامي وتقديري لشخصك
· مطلوب ان تكشفه فورا هذا النصاب غير مؤتمن على البلد.......معقول واحد سرسري سيشرع قوانين للاجيال القادمة.؟.؟.؟.؟.؟.؟.؟.؟.؟
هذا طبعاً عداك عن تعليقات فيها حلول ..مثل :
· بصدق وبرجوله افضحه ليله افتتاح مقره وكن عروه ابن الورد ..!
· روح على مقره واجلس قريبا منه وابتسم
· بسيطة روح على خيمتة واجلده الله لا يرده
· شو المشكلة لو فضحته لانه غير محترم وغير مؤتمن فالواجب منك فضحه واحنا بنسدلك 1000د
· لاقيلك حل معه.. اصلا هو قاعد يبتز الناس الان
وهلمّ جرا ..أما بقيّة التعليقات فإن النفس الساخر لم يغب عنها ولكنها تعبّر عن ضمير نقيّ يحمله الأردنيون ..:
· اعطيه صوتك مقابل ارجاع الالف كامل
· ابو وطن ،،، بلا خرط ـ بحياتك ما كان معاك الف نيره
· كامل وكلني بجيبهم وعالنص ههههه هاد هو الابتزاز بعينة
· فرصتك تستدد بالصاع الوافي
· كامل، متل ما قلك علي، روح ع خيمته وبعالي الصوت قول: رجعلي الفلوس بعدين رشح حالك...
لو أنا محلك هيك بعمل
· العوض من عند الكريم الابتزاز ليس طبع الشرفاء وإنت منهم يا صاحبي كب وراك زي ما بتكب كيس الزبالة الواحد ما بينبش في الزبالة
· اذا نجح روح عليه ونقطه دينار واحد واذا رسب يعوضك الله
· مش انته ابو وطن وهيه جاي منشان ينصب ع الوطن نفسه
· لما يكون عندو مهرجاااااااااان....روح واحكيلو حبيت اصبح عليك....
· شو رايك انا محامي جديد ادرب علية
· اعطيني 100 دينار وامهلني يوم بحصلك منو 2000 دينار وعد
· احكيلي اسمه و ما عليك
· علق يافطة بجانب صور المرشح واكتب عليها هذة الدعاية على حساب كامل نصيرات
· وبكره اذا كانت معه الاموره حصانه وحكيت معه بتهموك انك بتتحرش فيها .. وبصير بدو يعمل ابو شرف وبصير يطالبك بشرفيه؟
· صباح الخير استاذ كامل باقترح انك تستنى عليه اشوي حتى يفوز والله اعلم انه رح يحالفه الحظ!!
· فرصتك يا سيدي ولاحتلك واذا بتتركها لا تعظ اللي ظل من اصابع ندم .. خيو كامل هذة ألف نيرة مش بريزة ..بوجهك على المقر الانتخابي ولا تساوم ولا تقبل التأجيل والوعود .. وقله مش مستاهله ننشر اسم عطوفتك وانت على وجه انتخابات .. وهذا اسمه موسم الحب اللي اجا على الطاحونة ..تحياتي
وبعد ..
أترون تفاعل شعبنا الأردني ..أترون الشعب الذي تريدون أن تصنعوا منه شعباً تائهاً ..؟؟ أحد يملك هذا الشعب و يصنع به كل هذه الأفاعيل ..! ومع ذلك ؛ ما زلتُ أسأل : ماذا أفعل بهذا المرشح الذي يكبّ المصاري كبّاً أمام عيني و أنا لا أريد سوى حقّي ..!؟!
abo_watan@yahoo.com
تابعو الأردن 24 على 
