jo24_banner
jo24_banner

قصّة وَلَد متغرِّب

كامل النصيرات
جو 24 : لدّاد: مال صاحبك ( أبو طلاّق ) زمان ما بيّن
أبو مثقال: ها هاها ها
لدّاد: شو حكيت إشي يضحك؟؟
أبو مثقال: لأ ..بس ذكّرتني بأبو طلاّق
لدّاد: ليش الزلمة بضحك ..مهو مسخّم زي حالتنا
أبو مثقال: بضحك يا زلمة على زعلتو الأخيرة
لدّاد: زعلان ..؟؟ من مين ؟؟
أبو مثقال: زعلان من إبنو طلاّق
لدّاد: ليش ..مش ابنو طلاّق بامريكا إلو سنتين ..؟؟
أبو مثقال: صحيح ..بس الزلمة زعلان مش على هيك
لدّاد: ها على إيش لعاد
أبو مثقال: هاظ يا حفيظ السلامة ..طلاّق حكى تلفون مع أبوه وقالوه : تجوزت وجاني إيدز
لدّاد: لا حول ولا قوّة إلاّ بالله ..والله ما يستاهل ..ومن حق أبو طلاّق يزعل
أبو مثقال: بس أبو طلاّق زعلان من إشي ثاني
لدّاد: إشي ثاني ..؟؟ شو هو ؟؟
أبو مثقال: هاظ ..لمّا طلاّق حكى إنّو اتجوزت وأجاني إيدز ..قام أبو طلاّق قالوه : إخْص عليك يا كلب ..ليش ما سمّيتو على اسم جدّك ..
لدّاد: ها ها هاه هاه
انتهت الحكاية ولكنها لم تنتهِ ..سيظل هناك من يسمع بالمصيبة و يضحك عليها ..و هناك من ينشر المصيبة بين الناس ..وهناك من يصنع المصيبة ..لكن أخطرهم جميعاً من لا يريد أن يعترف بالمصيبة بل و يطالب بتغيير اسمها إلى رومانسية مثلاً ..!
تابعو الأردن 24 على google news