حكم وأمثال جديدة لانج

كامل النصيرات

ما تشتري بندورتك قبل ما تعدّ مصاريك ، بلاش الخضرجي يحرجك ويبيعك ويشتريك.
لمّا ييجي وقت الضرايب ما في حدا هارب إلاّ أبو الحبايب.
اللايك إللي ما يعجبك خذ غيره..اللايك ما عليه جُمرك.
يا طالب موعد من وزير يا طالب لحمة من فقير.
البسْ حزامين مش حزام ؛ زمن مليان أولاد حرام.
ما تحط راسك براس الحكومة إلاّ لمّا تكون ماكل بصل وثومة.
لمّا توقّف بالطابور؛ تأدّبْ وما تنسى إنك طرطور.
في الليلة الظلماء تفقّدْ فواتيرك..إنت اللي مش دافع ؛ الله لا يتيرك.
ما تسلّم على حدا إلاّ إذا بدك إشي منو..السلام مش ببلاش.
صفّق للسمكة بتوصل للحوت.
الجار اللي يتوددلك رح ييجي يوم وترحل من تصرفاتو.
ما حدا رح يلومك إلا على نكش خشومك.
من ترك الشغل وقعد في الدار ؛ صار وصار وصار.
العب شدّة كل يوم حتى لو على حساب النوم.
الحمار مش اللي ينهّق ؛ الحمار اللي للحمار يصفّق.
حتى لما تصير درويش ؛ ما بتعيش.

 
تابعو الأردن 24 على