عَ بلاطة: بدّي أتعاطى
كامل النصيرات
جو 24 :
نزل من على الدرجات كالمهووس وأنا أحاول أن أشده من بلوزته : يا أرفل خلي العقل منك ؛ إهدا ..ويسرع الخطى ويقول: عَ بلاطة : بدّي أتعاطى ..ويركض الأرفل في الشارع وأنا خلفه يهلكني باللهاث..! كان ينظر في وجوه الناس في المحلات قليلاً ثم يتابع سيره وأنا فقط أنادي عليه: يا أرفل ..يا زلمة ..بس اسمعني ..! ولا يرد عليّ..بل يرفع لي يده دون أن ينظر إلي إلى الأعلى دليل القرف مني..
كالهائج دخل الأرفل إحدى المؤسسات وهو يصيح : عَ بلاطة : بدّي أتعاطى..وأنا أيضاً أسحبه للخارج : يا زلمة فضحتنا ..شو اللي جرالك ..ليش بدك تتعاطى ؟ واللي بده يتعاطى يعمل هيك ..؟؟
قال لي وهو يلهث: التعاطي لازم يصير عينك عينك ..في الشارع ..في الحارة ..في الوزارة ؛في المؤسسة؛ في المطعم ؛ في المدرسة وفي الجامعة ..في كلّ مكان ..لازم نتعاطى كلنا مع بعض ونقعد نتفاهم على كلّ شي ..لازم نكون كتاب مفتوح لبعض..لازم ......وقاطعته باندهاش: إنت قصدك بالتعاطي هيك؟؟ وإلك عشر ساعات مركضني ورا أهلك عشان هيك تعاطي ..ع بلاطة: إنتَ فراطة.
تابعو الأردن 24 على 
