منع من النشر: رسالة مهمة الى مدير السير

جو 24 : تاليا رسالة وصلتني من أحد سائقي الباصات العمومي، أتركها للقارىء بلا تدخل ولا حتى في اللغة:
انا بشتغل سائق باص خط عمومي عمان صويلح والله وكيلك من قبل عيد الاضحی وعاملين حملات علی محصل الاجره (كنترول) وهسه من جديد نزلو قرار في السير الي بتخالف محصل اجره مره الاولی محاضره والتانيه متصرف وحسب مزاج المتصرف يمكن يحبس السائق ومشددين كتييييير علی عدم استخدام محصل الاجره . وانتا عارف والكل بيعرف انو محصل الاجره عمليه تسهيل للسائق مع الركاب كان بتحصيل الاجره من الركاب او اعلام السائق بنزول الركاب وغيره وله فوائد للسائق بعدم التهاء السائق عن الطريق وعدم تعطيل حركه السير في حالة النزول والصعود للركاب . ومدير السير بهاي الحاله راح يجبر السائقين بقطع ارزاق الكنتروليه محصلين الاجره وشوف كم كنترول في البلد وبعض الباصات مشغلين 2 صباحي ومسائي شوف كم اسره راح تموت من الجوع من ورا مدير السير راح تزيد البطاله والمشاكل والسرقات وحاله البلد حاله ما يصعب الامور اذا في كنترول غلط يعاقبو مش يعاقب الكل في كنتروليه طلاب جامعه بتصرف علی حالهم واقساط جامعتهم . صحيح في منهم همل ومشكلجيه واصحاب سوابق بس في منهم تابو وبشتغلو كنتروليه اذا قطع رزقهم من وين راح ياكلو ويشربو ومنهم اصحاب سوابق ما بطلعلهم حسن سير وسلوك ولا اي شركه او جهه بتشغلهم غير الباصات بس ينقطع رزقهم من وين راح يصرفو اكيد راح يرجعو لماضيهم وينهبو ويسرقو . لازم حل مع مدير السير المجالي لازم يفهم انو راح يقطع ارزااااااق نااااااس كتيره في البلد وراح يصير فيها بلبله ومشاكل يتق الله بهالناس ويتركهم بحالهم مش هيك يا ابن عم مش هيييييييييك البلد واقفه علی كف عفريت الشعب ساكت لانو مسلك حالو لما ينقطع رزقهم مصيبه الي عليه قروض ويلي عليه جمعيات وايجار بيوت واكل وشرب ومدارس عليهم مصايب هو لو لاقي شغل بشتغل كنترول انجبر علی هيك شغل ويجي حضرة مدير السير الجديد بدو يقطع رزقهم خليه يتق الله في الناس مهو قاعد علی مكتب وراتبو جاي لعندو وموفر الو كل اشي ولاولادو والتأمينات والامتيازات ما يطلع عالفقراء ويحاربهم بشغلهم اي كنترول او مواطن بيغلط بياخد جزائه مش يتحاسب الكل بغلطه انسان غبي وعديم الحيا في ناس محترمه ومن عائيلات محترمه . اطلت عليك ابن عمي وقف مع هاي الناس وساعدهم بإلغاء القرار المتبع عليهم ويشطب قانون مخالفه استخدام محصل او يفرض عليهم قانون خاص بعمل لوحه معلومات خاصه للمحصل وحسن سير وسلوك وهندام ومن يخالف القوانين الكنترول نفسه يتعاقب ويدفع غرامه او حبس او كلتا العقوبه بسحب الهويه منه وبعد ما يدفع المخالفه ترجع له الهويه وبهاي الحاله راح يكون في اشي لاذع للمحصل وما راح يغلط راح يحسب حساب.