رفشة بطن / ( رسالة إلى عمي عبدالله النسور )
فيصل عويد المحارمة
جو 24 : بسم الله الرحمن الرحيم
يزم انا فاهم عليك ... والله فاهم وعارف انو اللي بتساويه كلو عشان تسكر خوازيق هالوطن ... بس اللي انت مش فاهمو انو ( معيش ادفع ) ... يزم والله ما معي ... انت مفكرني معي ومخبي عليك ... انا طلعت اولادي من المدرسه الخاصه لمدرسه الحكومه عشان اقدر ادفعلك الفرقيه ... يزم انا طول الشتا ما شغلت المكيف بالدار ... متكوم انا والعيال عند صوبه الغاز وعلى عين وحده ... ومنطم وساكت ... برضو لانك بتوخذ الفرقيه ..
عمي عبد الله . افهم علي ... احنا بنتدفى بالشتا عالغاز او الكاز او الكهربا ... يعني لما ترفع هظول الشغلات عشو بدنا نتدفى ...عالحطب ؟؟؟ طيب مهو ممنوع قطع الاشجار .. طب انت احكيلي ... خذني عقد عقلي واحكيلي .. كيف نتدفى يزم والله الراتب ما بكفي . والله الواحد صار يكره الشتا لانو صار خازوق في ظل دولتك ...
عمي عبد الله .. صار كيلو اللحم البلدي طموح .. وهدف نسعى اليه حثيثا ... يزم قربنا نطبخ احجار مثل الست اللي على ايام عمر بن الخطاب .. خابرها ؟؟ طب خابر عمر بن الخطاب شو قال ؟؟ لمنو قال لو ان بغله تعثرت منداري وين لكنت مسؤولا عن تمهيد الطريق لها ... انداري ... يزم لا تمهدلي الطريق بس شيل ايدك عن رقبتي ... خنقتني ...
عمي العزيز ...ظليت ورا البنزين لما عوفتني السياره .. تع خذها وريحني منها ... يزم بطلت اسوقها ... صارت لعبه للاولاد بركبوا فيها وبظلوا يقولوا . عن عااااان .. بيب بيب .. وانا كمان صرت احكي مع حالي واقول عن عاااان ... بيب بيب ... اه عادي بكره كل الشعب بمشي وراي وبصير يحكي عن عااان بيب بيب ... وبتصير الاردن مستشفى مجانين كبير ... وما بيظل ولا عاقل بهالبلد ... ترى الاهبل والمجنون مكيف بهالبلد اكثر من العاقل ..لان العاقل
رح ينجلط او يهسهس من...
عمي عبد الله ... انت شو اللي بدك ياه ... يزم باحلفلك ما معي وانت قاعد ترفع ... طب من وين اجيبلك ... اسرق مثلا ... يعني هيك بدك ... طب من وين اسرق ماحنا عريان طاب عمشلح
طيب ركز معي .... الله يهديك .. انت عشو محملني جميله ... تامين صحي مجانا من غير شر مثلا ... تعليم مجانا مثلا ... وظيفه بتستناني ... عداله ؟؟؟ .. ولا اشي ... كلو كذب
عمي عبدالله . الله يرضى عليك لا تجنني ... بااقولك والله ما معي ... ابيع الاولاد عشان ترضى مثلا ..
ليش مل لحقت الحراميه وال....بدل مانت جاي تتشاطر علي وتدفعني خاوه...
يزم بكره راس السنه والناس قاعده تقول للناس كل عام وانت بخير .... وانت مالك كبست معك عنكد من اولها ؟؟؟
انا رح اصلي ركعتين هسع ورح ادعي ... مش عليك ... عاللي ... ... اللي ورجونا ياك
عمي عبدالله هيني قاعد احكي معك بادب ... مش بكره تحطني بالسحن بتهمه افساد مزاج الرئيس بليله راس السنه .
يزم انا فاهم عليك ... والله فاهم وعارف انو اللي بتساويه كلو عشان تسكر خوازيق هالوطن ... بس اللي انت مش فاهمو انو ( معيش ادفع ) ... يزم والله ما معي ... انت مفكرني معي ومخبي عليك ... انا طلعت اولادي من المدرسه الخاصه لمدرسه الحكومه عشان اقدر ادفعلك الفرقيه ... يزم انا طول الشتا ما شغلت المكيف بالدار ... متكوم انا والعيال عند صوبه الغاز وعلى عين وحده ... ومنطم وساكت ... برضو لانك بتوخذ الفرقيه ..
عمي عبد الله . افهم علي ... احنا بنتدفى بالشتا عالغاز او الكاز او الكهربا ... يعني لما ترفع هظول الشغلات عشو بدنا نتدفى ...عالحطب ؟؟؟ طيب مهو ممنوع قطع الاشجار .. طب انت احكيلي ... خذني عقد عقلي واحكيلي .. كيف نتدفى يزم والله الراتب ما بكفي . والله الواحد صار يكره الشتا لانو صار خازوق في ظل دولتك ...
عمي عبد الله .. صار كيلو اللحم البلدي طموح .. وهدف نسعى اليه حثيثا ... يزم قربنا نطبخ احجار مثل الست اللي على ايام عمر بن الخطاب .. خابرها ؟؟ طب خابر عمر بن الخطاب شو قال ؟؟ لمنو قال لو ان بغله تعثرت منداري وين لكنت مسؤولا عن تمهيد الطريق لها ... انداري ... يزم لا تمهدلي الطريق بس شيل ايدك عن رقبتي ... خنقتني ...
عمي العزيز ...ظليت ورا البنزين لما عوفتني السياره .. تع خذها وريحني منها ... يزم بطلت اسوقها ... صارت لعبه للاولاد بركبوا فيها وبظلوا يقولوا . عن عااااان .. بيب بيب .. وانا كمان صرت احكي مع حالي واقول عن عاااان ... بيب بيب ... اه عادي بكره كل الشعب بمشي وراي وبصير يحكي عن عااان بيب بيب ... وبتصير الاردن مستشفى مجانين كبير ... وما بيظل ولا عاقل بهالبلد ... ترى الاهبل والمجنون مكيف بهالبلد اكثر من العاقل ..لان العاقل
رح ينجلط او يهسهس من...
عمي عبد الله ... انت شو اللي بدك ياه ... يزم باحلفلك ما معي وانت قاعد ترفع ... طب من وين اجيبلك ... اسرق مثلا ... يعني هيك بدك ... طب من وين اسرق ماحنا عريان طاب عمشلح
طيب ركز معي .... الله يهديك .. انت عشو محملني جميله ... تامين صحي مجانا من غير شر مثلا ... تعليم مجانا مثلا ... وظيفه بتستناني ... عداله ؟؟؟ .. ولا اشي ... كلو كذب
عمي عبدالله . الله يرضى عليك لا تجنني ... بااقولك والله ما معي ... ابيع الاولاد عشان ترضى مثلا ..
ليش مل لحقت الحراميه وال....بدل مانت جاي تتشاطر علي وتدفعني خاوه...
يزم بكره راس السنه والناس قاعده تقول للناس كل عام وانت بخير .... وانت مالك كبست معك عنكد من اولها ؟؟؟
انا رح اصلي ركعتين هسع ورح ادعي ... مش عليك ... عاللي ... ... اللي ورجونا ياك
عمي عبدالله هيني قاعد احكي معك بادب ... مش بكره تحطني بالسحن بتهمه افساد مزاج الرئيس بليله راس السنه .
تابعو الأردن 24 على 
