رساله الى عيد الحب.. (لف وارجع)
فيصل عويد المحارمة
جو 24 : كتب صديقي اسماعين ابو زيد على مطبخه في الفيس بوك ما يلي "عزيزي عيد الحب.. سجلني غياب.."
عجبتني هذه المقولة؛ لذلك فأنا أيضا أريد أن أبعث برسالة من قلبي إلى الأخ "فالانتاين" مفادها انه انا كمان سجلني غياب.
للأسباب التالية:
- اولا: معناش مصاري نعيد عيد الحب. الحكومة أكلت الاخضر واليابس وصدقني بنحرث طول النهار والليل عشان ندفع فواتير وضرايب وما عنا وقت للحب (نو تايم فور لف) الحب هذا بنشوفه بالمسلسلات الكوريه بين اوهاني وسونج بو.. مش عنا
ثانيا: يزم قلوبنا مطفيه. واحنا شعب خاطرنا مكسور. والدوله بدها ترفع سعر الكشره علينا. وبعدين يا صديقي لو معنا العشر نيرات حق الورده كان اشترينا كيلو كنافه وكيلو تفاح احمر ابو طبعه للاولاد. انت ناسي انو نص اطفال الاردن ما بعرفوا التفاح الا من الصور بالكتب. وجاي تقولي حب!
ثالثا: يا خوك يا فالنتاين. صابنا عمى الوان وصار كل شي بعيونا اسود باسود. واللي مش اسود صار باحسن الحالات سكني.
بصراحه انا مستحي احكيلك انو لو طلع بايدنا ناكل ورد كان اكلناه من الجوع والبين.. وحضرتك جاي تقولي حب
هاظ الحب عند الناس اللي عندهم تامين صحي. وجرار غازهم سليمه. وراتبهم بكفي لنص الشهر. وحكومتهم شاعريه وحساسه. للناس اللي معهم حق بنزين وفواتير كهربا. واجرة بيت. ومصروف الاولاد للمدرسه. للناس اللي عندهم نواب يقلقوا فيهم ويخافوا عليهم. افهمني الله يخليك
انت بتعرف انو اخر مرة شفت فيها واحد بضحك من قلبو بالاردن كانت قبل خمسطعشر سنه؟! بعدين نسينا شكل الضحكه كيف. حتى نسينا شو هو العضو اللي بيضحك هو الثم والا العين. انداري ؟
اسمع يا خوي يا فالانتاين. لا تقلب مواجعي ولا اقلب مواجعك... اصلا انت شو لازك علينا؟ يزم شو لازك علينا؟؟؟؟ روح عاليابان. بحكولك اليابان نخب اول. شوارعهم مزفته. وبدفعوش ضرائب كثير وعندهم مساواه. وبحترمو المواطن وحكومتهم كويسه وبنت حلال. او احكيلك. روح ع بنغلادش. برضو عندهم مي كثير وبزرعوا ورد وحكومتهم ع البركه وبعدها بتعامل المواطن على اساس انو كائن حي... مش جيبه.
اسمع يا فلنتاين يابو ورده حمرا... اذا اللي في بالي سمعك جاي علينا. بقعدلك عالدرب قعود ويرفع سعر ورداتك ودباديبك وبدفعك اللي فوقك واللي تحتك. اسمع نصيحة اخوك واختصر.... انت حر.
من وحي عيد الحب في زمن الجوع والنار
عجبتني هذه المقولة؛ لذلك فأنا أيضا أريد أن أبعث برسالة من قلبي إلى الأخ "فالانتاين" مفادها انه انا كمان سجلني غياب.
للأسباب التالية:
- اولا: معناش مصاري نعيد عيد الحب. الحكومة أكلت الاخضر واليابس وصدقني بنحرث طول النهار والليل عشان ندفع فواتير وضرايب وما عنا وقت للحب (نو تايم فور لف) الحب هذا بنشوفه بالمسلسلات الكوريه بين اوهاني وسونج بو.. مش عنا
ثانيا: يزم قلوبنا مطفيه. واحنا شعب خاطرنا مكسور. والدوله بدها ترفع سعر الكشره علينا. وبعدين يا صديقي لو معنا العشر نيرات حق الورده كان اشترينا كيلو كنافه وكيلو تفاح احمر ابو طبعه للاولاد. انت ناسي انو نص اطفال الاردن ما بعرفوا التفاح الا من الصور بالكتب. وجاي تقولي حب!
ثالثا: يا خوك يا فالنتاين. صابنا عمى الوان وصار كل شي بعيونا اسود باسود. واللي مش اسود صار باحسن الحالات سكني.
بصراحه انا مستحي احكيلك انو لو طلع بايدنا ناكل ورد كان اكلناه من الجوع والبين.. وحضرتك جاي تقولي حب
هاظ الحب عند الناس اللي عندهم تامين صحي. وجرار غازهم سليمه. وراتبهم بكفي لنص الشهر. وحكومتهم شاعريه وحساسه. للناس اللي معهم حق بنزين وفواتير كهربا. واجرة بيت. ومصروف الاولاد للمدرسه. للناس اللي عندهم نواب يقلقوا فيهم ويخافوا عليهم. افهمني الله يخليك
انت بتعرف انو اخر مرة شفت فيها واحد بضحك من قلبو بالاردن كانت قبل خمسطعشر سنه؟! بعدين نسينا شكل الضحكه كيف. حتى نسينا شو هو العضو اللي بيضحك هو الثم والا العين. انداري ؟
اسمع يا خوي يا فالانتاين. لا تقلب مواجعي ولا اقلب مواجعك... اصلا انت شو لازك علينا؟ يزم شو لازك علينا؟؟؟؟ روح عاليابان. بحكولك اليابان نخب اول. شوارعهم مزفته. وبدفعوش ضرائب كثير وعندهم مساواه. وبحترمو المواطن وحكومتهم كويسه وبنت حلال. او احكيلك. روح ع بنغلادش. برضو عندهم مي كثير وبزرعوا ورد وحكومتهم ع البركه وبعدها بتعامل المواطن على اساس انو كائن حي... مش جيبه.
اسمع يا فلنتاين يابو ورده حمرا... اذا اللي في بالي سمعك جاي علينا. بقعدلك عالدرب قعود ويرفع سعر ورداتك ودباديبك وبدفعك اللي فوقك واللي تحتك. اسمع نصيحة اخوك واختصر.... انت حر.
من وحي عيد الحب في زمن الجوع والنار
تابعو الأردن 24 على 
