رفشة بطن / الفاتورة أم ال(97)

جو 24 :

ارتفع ضغطي اليوم ونزل ثم ارتفع مرة اخرى والسكري كمان ارتفع وبيجوز لسه ما نزل . والسبب حكومة السيد عبد الله النسور .

صباح اليوم صبحني جابي الكهرباء بصراخه على باب الدار كالعادة يقول . كهربااااااااااا . تعوذت بالله من الشيطان الرجيم وقلت بسم الله الذي لا يضر مع اسمه شيئ في الارض ولا في السماء وهو السميع العليم . يا صباح يا عليم يا رزاق يا كريم . دخل الجابي الى العداد وانا حاط ايدي على قلبي واكرر . يا ستار يا لطيف . يا رب سهل يا رب الطف .
نظر الي الجابي بعد قراءة العداد وقال . لا حول ولا قوة الا بالله ثم ناولني الفاتورة واسرع بالخروج من المنزل قبل ان استيقظ من هول الصدمه .
(97) دينار اردني قيمة الفاتوره !!!!
ايها الساده . قسما بالله عندي ثلاجه عاديه وغساله اوتوماتيك وجيزر وتلفزيون . وانارة البيت واقسم اني لم افكر مجرد تفكير حتى في النظر الى المكيف او لمسه . طول فترة الشتاء ويبدو ان هناك توجه لتحويله الى رف لصحون الميلامين او كاسات الشاي ( ام ايد) . كوننا لا نستخدمه لا للتدفه ولا للتبريد نهائيا .

حبيبي ابو زهير .. يزم هناك قوانين وعادات وسلوكيات كثير بالبلد . على دورك رح تتغير وترجع لورا ..رح ترتفع نسبه العنوسه بالبلد لانو الشباب معهمش يتجوزوا ... والشب اللي بدو يتجوز رح يشترط على اهل العروس ان فاتورة الكهربا عليهم . او بيبطل يتجوز

يزم اللي مش ساحب خط من ورا الساعه رح يسحب قريبا ... وهات رقع .

على دورك رح يرجع الغسيل يدوي (بالجاط) و(البح) كمان يدوي عشان نوفر كهربا . وبالتالي بيبطل الجمال الو قيمه بتصير عضلات الزوجه هي المهمه حتى نضمن غسيل وخبز يدوي ونوفر طاقه ونرضي الحكومه .
وبالمره قد نعود لاكل اللحوم النيئه ونشعل النار من الصوان .. أذا بدك لحق حالك من هسع وارفع سعر الصوان .. عادي تعودنا عليك

دولة الرئيس . انا مواطن اردني عادي يعني بسمع بكلمة فوسفات بس بالتلفزيون يعني ما كنت شريك فيها و بتفرق معي البريزه ... جاي تبعثلي فاتوره ب97 دينار ...
حسبي الله ونعم الوكيل